Octubre 6-​12
Ridi takaia wauhkataya (2025) | Septiembre

OCTUBRE 6-12

SMASMALKRA 5, 6

Lawana sjj 42 bara pura sunra | Tâ krikaia bîla nani (1 min.)

BAIBIL WINA DIARA MANAKIRA BA

Israel uplika nani ba tawan durka lamara prîs kum dîa aisi ba wali banhwisa bara prîs ba karban wauhkataya kum ai mihta ra brisa.

Israel uplika nani ba aman pali walisa prîs ba Gâd lâka dukiara aisisa piuara

1. Kulkanka tara lâka wal wan Gâdka tara ra mayunisa

(10 min.)

Asla aidrubisa piua ra, yawan aman walisa taim bara wan kwalka dimra ba wal rispik lâka marikisa (Smas 5:1; w08-S 15/8 15, 16 baiki s. 17, 18).

Upla sut mawanra wan pura sunisa piua ra, rispik lâka wal daukisa; uba yari aisaras bara tânka briras bîla nani ba sin yus munras sa (Smas 5:2; w09-S 15/11 11 baiki s. 21).

Jehova ra wan rayaka yabia pramiska daukan ba yawan alki daukisa (Smas 5:4-6; w17.04-S 6 baiki s. 12).

Asla aidrubanka watla kum ra muihni lakri manka sât sât bri nani ba aman pali wali banhwisa.

2. Spirit dukia walpa manakira pliki sakaia

(10 min.)

  • Smas 5:8. ¿Kasak apia lâka ra saura wan munisa piua ra, nahki naha borska ba wan maisa nihkisa ki? (w20.09-S 31 baiki s. 3-5).

  • ¿Naha wikka Baibil aisi kaikanka ra dîa spirit dukia walpa manakira nani sakram?

3. Baibil aisi kaikanka ba

(4 min.) Smas 5:1-17 (th lisin 12).

SMALKAIA WARKKA RA KAU PAIN RIDI TAKAIA

4. Upla wal aisaia tâ kriks

(1 min.) UTLA UTLA RA SMALKAIA. Uplika man wal unsabaia want sa (lmd sapta 4 numba 5).

5. Upla wal aisaia tâ kriks

(2 min.) BAN WINA SMALKAIA. Latwan lâka warkka kum wauhkataya tara ra ulbanka tâka 1 wina “Baibil wina tânka kasak nani yawan lilia smalki ba” tânka nani taki ba tila wina kum yus muns (lmd sapta 1 numba 3).

6. Upla ra kli wih kaiks

(3 min.) UTLA UTLA RA SMALKAIA. Smalkaia hilpka nani wina lilka kum ba mariks bara aikuki laki kaiks, kuna lilkika ba mangkpara (lmd sapta 7 numba 3).

7. Disaipil nani dauks

(5 min.) lff smalkanka 17 tâ krikanka bara numba 1-3 (lmd sapta 11 numba 3).

KRISTIAN RAYAKA BA

Lawana sjj 160

8. Ulbanka tâka 1 “Baibil wina tânka kasak nani yawan lilia smalki ba” pîska ba ¿man yus munisma ki?

(15 min.) Wali nani wal laki kaikbia.

Marit kum ba utla utla ra smalkisa piuara wahma kum ra Baibil tikska kum aisi kaikisa yabisa.

Upla nani ra smalkaia: Latwan lâka warkka kum wauhkataya tara ba takan piua wina hilp wan munan sa upla nani wal aisanka kum tâ krikaia dukiara. Ulbanka tâka 1 ba hilp wan munisa yawan upla nani wal aisisa taim, Baibil smalkanka nani tnatka isi ra smalkaia dukiara (Hib 4:12). ¿“Baibil wina tânka kasak nani yawan lilia smalki ba” pîska ra taki tânka 9 nani ba pat laki kaikram sa ki?

  • ¿Upla kum wal aisisa piua ra chanska kum takan kaikisa kaka yawan nahki sip sa Baibil smalkanka kum tnatka isi ra smalkaia? (lmd ulbanka tâka 1).

  • ¿Man iwisma pliska ra upla nani ba dîa tânka nani walan daukisa?

  • ¿Ulbanka tâka 1 ra taki Baibil tikska nani kau kakaira takaia dukiara yawan dîa daukaia sip sa?

Smalkaia warkka ra yawan ban yus munbia kaka kau isi kabia wan kupia kraukaia. Kuna baha daukaia dukiara pas pali upla nani ra pliki sakaia sa aisaia dukiara.

“Silak ni silak mala daukisa”: Nahki upla kau ailal nani wal aisaia sip sa LILKIKA ba mangks. Ningkara makabi wals:

  • ¿Dîa ba hilp wan munaia sip sa yawan smalki pliska ra upla kau ailal nani wal aisaia dukiara?

9. Kangrigisan Baibil stadika ba

(30 min.) lfb smalkanka 24, 25.

Tnata prakaia bîla nani (3 min.) | Lawana sjj-S 34 bara pura sunra

Ulbanka lalka nani
La Atalaya (stadi takaia dukia) 2025 | Julio

Stadika 31: Octubre kati 6-12, 2025

20 ¿Man “dîa brisma ba wal lilia kaia” tânka ba lan takram sa ki?