Diciembre 8-​14
Ridi takaia wauhkataya (2025) | Noviembre

DICIEMBRE 8-14

AISEYA 6-8

Lawana sjj 75 bara pura sunra | Tâ krikaia bîla nani (1 min.)

BAIBIL WINA DIARA MANAKIRA BA

Aiseya ba kasbrika purara kaikisa bara Gâd dukia dadaukra kaia wilin takisa.

1. “Yang nâra sni, yang ai blîks”

(10 min.)

Aiseya ba wilin takan Gâd bîla twatwilkra takaia (Ais 6:8; ip-1-S 93, 94 baiki s. 13, 14).

Aiseya warkka ba isi apia kan (Ais 6:9, 10; ip-1-S 95 baiki s. 15, 16).

Manis Aiseya ra walras kan baku, upla manis sin Jisas bîla walras kan (Mt 13:13-15; ip-1-S 99 baiki s. 23).

Markit kum ra Aiseya ba Israel uplika nani daknika kum ra Jehova maisa pakanka yabisa. Upla kum kum ba prapit bîla walras bara wala nani ai kupia baiki mahka pliska wina taki wisa.

SILP LUKI KAIKAIA DUKIARA: “¿Yu bani dîa daukaia sip sna Aiseya daukanka nani nina blikaia dukiara?”.

2. Spirit dukia walpa manakira pliki sakaia

(10 min.)

  • Ais 7:3, 4. ¿Dîa muni Jehova King saurakira Ahaz ra swaki sakan? (w06-S 1/12 9 baiki s. 3).

  • ¿Naha wikka Baibil aisi kaikanka ra dîa spirit dukia walpa manakira nani sakram?

3. Baibil aisi kaikanka ba

(4 min.) Ais 8:1-13 (th lisin 5).

SMALKAIA WARKKA RA KAU PAIN RIDI TAKAIA

4. Upla wal aisaia tâ kriks

(3 min.) UTLA UTLA RA SMALKAIA. Latwan lâka warkka kum wauhkataya tara ra Ulbanka tâka 1 wina tânka nani taki ba kum yus muns (lmd smalkanka 4 numba 5).

5. Upla ra kli wih kaiks

(4 min.) UTLA UTLA RA SMALKAIA. Baibil stadika kum tâ kriks (lmd smalkanka 9 numba 3).

6. Upla ra kli wih kaiks

(5 min.) UTLA UTLA RA SMALKAIA. Baibil stadika nani nahki dauki ba mariks (lmd smalkanka 9 numba 5).

KRISTIAN RAYAKA BA

Lawana sjj 83

7. Utla utla ra smalki uplika nani baku wan kakaira sa

(15 min.) Wali nani wal laki kaikbia.

Jisas bara pas kristianka nani daukan baku, Jehova witniska nani ra kakaira sa utla utla ra smalki tauki ba mita (Lk 10:5; Ap.St 5:42).

Yang nani COVID-19 sikniska saurakira piua ra, utla utla ra smalki taukaia sip apia kan. Baha mita karna trai munan sturi yamni ba upla nani ra ban wina smalkaia, wauhkataya ulbi bara telepon bâk upla nani ra wini kan. Naha trabilka ba hilp wan munan smalkaia tnatka nani bri ba kau pain kakaira takaia dukiara. ¡Baha sanska brin ba mita uba lilia wan dara walisa! Ban sakuna, upla nani ra sturi yamni brih waia tnatka pas pali ba, utla utla ra smalkaia warkka sa. ¿Man utla utla ra smalkaia warkka ba kau tâ baikaia sip sma ki?

Nahki utla utla ra smalkaia warkka ba naha daukaia hilp wan munisa:

  • Wan smalkaia pliska ra upla sut ra sturi yamni ba brih waia.

  • Smasmalkra kau lankira takaia bara daukanka painkira nani pakaia. Naha tilara kupia karna lâka, upla mawan bâk saki kulkaia apia lâka ba bara sakripais daukaia wilin kaia.

  • Baibil stadika nani tâ krikaia.

“Piua sut ra smalki taukisa” lilkika wina pîska kum. Utla durka mawanra kristian mairin wâl ba mairin kum ra smalkisa.

Piua sut ra smalki taukisa LILKIKA ba mangks. Ningkara makabi wals:

  • ¿Feroe kîka ra muihni lakri nani smalkaia warkka ra sakripais nani daukaia wilin kan ba wina, yawan dîa lan takisa?

8. Kangrigisan Baibil stadika ba

(30 min.) lfb smalkanka 42, 43.

Tnata prakaia bîla nani (3 min.) | Lawana sjj 123 bara pura sunra