¿Ani prisantka kau tara luhpiam nani ra yabaia sip sma? Witin nani diara manis nit sa: latwan lâka, tâ briaia lâka bara main kaikaia. Sakuna, prisantka kau painkira yabaia sip sma ba sika Jehova tânka kasak Baibil ra bâra ba smalkaia (Jan 17:3). Baha tânka kasak ba luhpiam ra hilp munaia sip sa tuktan lupia piua wina Jehova ra kau latwan kaikaia bara ai kupia aiska wal Witin warkka daukaia (Matiu 21:16).

Aisa yapti manis ba nu sa tuktan lupia nani ba tânka kunhku nani smalkisa kaka, kau isti lan takisa. Baha mita, yawan ba uba lilia wan dara walisa naha ulbi sakanka briaia Baibilki wina lan takisni. Lisin kumi bani paskan sa natka isi ra luhpiam ra smalkaia. Lilka nani bara ulbanka nani ba tuktan nani mani yumhpa bri ba wina apia kaka kau mâyara bri ba dukiara sa. Baku sin, luhpiam wal dîa daukaia sip sma ba takisa. Baibilki wina lan takisni wauhkataya ba pulaia dukiara apia sa. Naha ba paskan sa man luhpiam nani wal laki kaikma dukiara.

Yawan uba lilia wan dara walisa naha ulbi sakanka ba maikaia luhpiam nani wal Baibil wina tânka kasak ba “tuktan lupia piua wina” smalkaia (2 Timoti 3:14, 15).

Muihkam lamkra nani,

Jehova Witniska nani Tâ Bri Daknika ba

¿Tasba na ya paskan?

¿Kabu ba ya daukan?

¿Dildil painkira nani ba ya paskan ki?

¿Man bara yang ba ya wan paskan sa?

Diara sut paskan ba Jehova Gâd.

LUHPIAM WAL DAUKS

Luhpiam ra aisi kaiks:

Param Marikanka 4:11

Luhpiam ra wis ai mihta lupia wal marikbia:

Slilma nani Kasbrika nani Lapta ba

Duri Inska Utla

Kabu Dildil

Luhpiam ra makabi wals:

¿Gâd nina dîa?

¿Jehova anira iwisa?

¿Witin dîa paskan sa?

Noa arkka lamara daiwan nani ba kaiks.

¿Ani ba wakisa, bara ani ba aiwanisa?

Daiwan sut, sirpi bara tara Noa arkka ra swakwi takan.

LUHPIAM WAL DAUKS

Luhpiam ra aisi kaiks:

Blasi Sturka 7:7-10; 8:15-17

Luhpiam ra wis ai mihta lupia wal marikbia:

Bîp Yul Elepant

Jirafa Layan Urus

Kwirku Sîp

Ark Kumadura

Luhpiam ra wis naha daiwra nani binka ba daukbia:

Yul Layan Urus

Kwirku Tnawira

Debit aisisa: “Yang pâniki siknis sa.

Nu sna dîa daukamna.

Witin ra wauhtaya kum ulbamna. Baha wina, ¡wih kaikamna!”

¡Pânikam lâka marikma, bara wâlsut lilia takma!

LUHPIAM WAL DAUKS

Luhpiam ra aisi kaiks:

1 Pita 3:8

Luhpiam ra wis ai mihta lupia wal marikbia:

Utla Tibil Debit

Lapta ba Tnawira Dus

Luhpiam ra makabi wals:

¿Upla kum siknis ba kaikisma?

¿Nahki witin ra hilp munaia sip sma lilia takbia dukiara?

Lî ahwisa.

“Utla bilara sna.

¿Dîa muni laya ba takaskras sa?”

Tina makabi walan.

¡Tisku diara pain kum takisa!

Lapta ba ingwisa.

Tina lilia ai dara walisa.

Kan lî ba pat luan sa.

Tina latara takan bara lilia sa. Tangni nani ba pâwi kan

Baha mita aisisa: “¡Yang nu âpu kapri lî Gâd blikan ba mita tangni nani ba pâwisa!”

LUHPIAM WAL DAUKS

Luhpiam ra aisi kaiks:

Apastil Nani Sturka 14:17

Luhpiam ra wis ai mihta lupia wal marikbia:

Windar Tnawira Tina

Dus Tangni nani

Diara nani yukukan ba pliki saks:

Bâl Plin

Luhpiam ra makabi wals:

¿Dîa muni Jehova lî ba paskan sa?

Pânikam kum prisantka maikisa, apia kaka diara pain kum daukisa, ¡tingkikam lâka mariks!

Anira kama bara dîa daukma amya tiwbiara: ¡Tingkika yabaia!

LUHPIAM WAL DAUKS

Luhpiam ra aisi kaiks:

1 Tesalonaika 5:18

Luhpiam ra wis ai mihta lupia wal marikbia:

Prisantka Tuktan

Dur Plun

Diara nani yukukan ba pliki saks:

Pinsil Telepon

Luhpiam ra makabi wals:

¿Dîa muni pain sa “Tingki” wiaia?

Mihtam ba kaiks bara minam lupia nani buks.

Kiamam ba alks bara kamkma ba sin.

Minam ba wal plaps bara lilia taks. ¡Baha nani wal palma bara lilia takma!

Lukinglas ra kaiks, ¿dîa kaikisma?

¡Jehova diara sut paskan ba painkira sa!

LUHPIAM WAL DAUKS

Luhpiam ra aisi kaiks:

Lawana 139:14

Luhpiam ra wis ai mihta lupia wal marikbia:

Ai mihta Ai mina Ai kakma

Ai kiama Ai bîla

Diara nani yukukan ba pliki saks:

Libang Mini

Luhpiam ra makabi wals:

Man bara yang ra, ¿ya wan paskan sa?