Baibil ba wan wisa upla ailal ba spirit bangwisa. Jehova pali kat sin spirit kum sa. (Jan 4:24; 2 Korint 3:17, 18.)

Pyu kum, paskanka aiskara Jehova ba yakan pali kan. Ningkara spirit nani ra paski ta krikan. Witin nani ra insal nina makan. Witin nani ba kau karna pali bara sinskira bangwisa upla nani ba wal. Jehova insal nani ailal paskan; Danyal, Gâd napakanka kum ba, yaprisauhkanku insal handat milian nani ra kaikan. (Danyal 7:10; Hibru nani 1:7.)

Kau Tasba ba paskras kan kainara Gâd naha insalka nani ra paskan. (Job 38:4–7.) Witin nani aima kumira sin, naha tasba ra upla baku raya iwisi prui bangwras kan.

Jehova mita spirit nani sut paskan ba pain bangwi kan. Sakuna insal kum ba saura takan. Baha ba Setan Debil sa. Setan brinka kan, tasba ra upla nani ba, witin ra ai pura suni mayunbia Jehova ra wan pura suni mayunaia watlika ra. Naha ulbanka kainara, dia takan ba marikisa.

Eden gadinka ra dus ailal ma auhni saki kan bara kan. Jehova mita Adam bara ai maîa Iv ra, pri pali baha dusa ma nani ba wina piaia sip bangwi kan win. Sakuna dus kumi baman wina pih bangwbia apia win. Bara witin nani baha dusa ma wina pibia sa kaka rait pali prui bangwbia win. (Blasi sturka 2:9, 16, 17.)

Yu kum Iv yakan kan pyua ra, pyuta kum mita aisan. Sakuna rait ba, pyuta ba aisaras kan; Setan Debil mita pyuta ba aisi kan talia baku daukan. Witin mita Iv ra win dus ma piaia adar apu kan ba wina pibia sa kaka Gâd baku sinskira kabia. Bara prubia apia sin win. Naha aisanka nani wal sut ba kunin kan. Las bara, Setan win ba Iv rait luki, dusa ma ba wina pin. Ningkara, naha ba Adam ra laki yaban, bara witin sin pin. (Blasi sturka 3:1–6.)

Yawan naha sturka rait ba wina, Setan ba mapara babura bara kuninkira kum sa lan takisa. Iv ra, Gâd bila walras sa kaka prubia apia win. Baha ba kunin kum kan. Sakuna witin pruan, bara Adam ra sin baku takan. Setan ba baha pyua ra pruras kan, sakuna witin saura daukan ba mita tnata kat prubia. Ban sakuna, witin kau raya ba mita upla nani ra mahwaki ban auya. Witin ba kau kuninkira kum sa, bara upla nani ba Gâd lâka nani ba krikbia trai kaikisa. (Jan 8:44.)

Insal wala nani sin Gâd mapara buan

Kaina tanira, insal wala nani sin saurakira taki bangwan. Naha insalka nani ba mairin painkira nani Tasba ra kan ba kaiki witin nani aikuki rug takaia brinka brin. Baha mita waitna nani baku taki Tasba ra bali bangwan. Bara mairka nani ra ai maîa baku brin. Naha ba Gâd lukanka mapara kan. (Blasi sturka 6:1, 2; Judas 6.)

Naha daukan ba mita upla nani ra pât ailal bri balan. Naha insalka maîa mairin nani ba luhpa sahwi bangwan, sakuna luhpa pain nani ba baku apia kan. Luhpia nani ba tarka tara pawi rau mamunra bara saurakira taki bangwan. Pyu nani luan bara Tasba na rau munanka laka ni bangki pali kan, baha mita Jehova lisamra tara kum wal watawikira nani ra sauhki tikaia lukan. Lisamra tara ba wina Noa bara ai pamalika ba baman swakwi taki bangwan. (Blasi sturka 6:4, 11; 7:23.)

Ban sakuna, insal watawikira nani ba spirit nani tasbaia ra kli tawi wan; prui bangwras kan. Sakuna panis muni bangwan. Gâd insalka kasakkira nani ba tilara kli dingkras kan. Baha purkara, Jehova mita witin nani ra kli upla baku takbia swiras kan. Bara tnata kat prui bangwbia lâ tara daukbia yuara. (2 Pita 2:4; Judas 6.)

Heven wina Setan ra lulkan

1914 manka ra, heven ra war kum ta krikan. Baibil bukka