Tâ bîla nani

¿DÎA MUNI NAHA ULBI SAKANKA PASKAN?

Jehova want sa ai uplika nani ba sins lâka bara wapni lukaia lâka ba ban pliki kabia sim diara manakira yukukan ra pliki ba baku (S.L 2:1-5). Naha tânka sa yawan ba nit sa Baibil wina makabi walanka ansika nani ba briaia bara wan trabilka nani nahki mapara buaia dukiara hilpka sakaia. Jehova Witniska nani Baibil tânka plikaia hilpka ulbi sakanka ba hilp mai munaia dukiara paskan sa.

Naha ba Índice bukka ulbanka aiska pali bri ba baku apia sa. Sakuna ulbanka lalka kumi bani dukiara anira plikaia ba takisa bara tânka painkira nani bîlam aisanka ra ulbi sakan ba ra plikaia sip kama. Naha ba mani 2000 wina dîa ulbi sakan ba wina yus munbia.

NAHKI PLIKAIA

Ulbanka lalka nani wahia wala ra taki ba, apia kaka wahia 11 ba kaiks. Bara ani ulbanka lalka tânka kau nu takaia brinkam kabia ba bris. Ban kra dîa plikisma ba sakaia dukiara, kau mununhtara tânka wala nani tilara plikaia sma.

Baha wina wahia numbika mai mariki ba ra was, bara ani Ulbanka tânka plikisma ba bris. Ulbanka lalka nani bara sapta nani taki ba wina, ani laki kaikaia want sma ba bris. Ulbi sakan wauhkataya nani ba wamtla ra brisma, Aidrubanka Watla ra ulbi sakanka nani suni brisa, apia kaka computadora kum ra brisma kaka, ulbanka lalka apia kaka saptika ba pliks. Aman kaikaia sa ulbanka lalka nani ba sut sim dukiara aisaras, sakuna ani lalka nani wahbi sakan ba baman sim dukiara aisisa.

Baibil borska kum tânka plikisma kaka, “Baibil tânka marikan ridi ba” pliska ra was. Bahara Hibru Ulbanka nani bara Grik Ulbanka nani ba brisa. Baku sin, ani borska nani pat tânka bri ba baman wahbi sakan sa.

Kupiam krauks man diara manakira yukukan ba plikisma. Naha ba pliki sakaia dukiara taim sakaia bara sakripais daukaia sa. Makabi walanka kum apia kaka diara tânka kum plikma taim, wihka bîla kaikanka bris. Naha Baibil Tânka plikaia hilpka na kau yus munma ba ra, kau isi kabia tânka kum pliki sakaia bara naha hilpka wal lilia kama. Trai munisma ba tâwan, Jehova yamni mai munbia. Witin sip sa hilp mai munaia sins lâka bara wapni lukaia lâka briaia (S.L 2:6; 4:5).

PLIKAIA SAINKA NANI:

✎ = DVD nani dukiara makabi walanka bri wauhkataya

§ = Ulbanka lalka tânka, pîska

baiki.s = Baiki sakanka apia kaka baiki sakanka nani

sap. = Sapta

wah. = Wahia

12/2004 = Kati/Mani

1/2/2010 = Yua/Kati/ Mani