Wan daukanka sunu bara rispik lâka tara ba wal upla kupia alkisa

Maya mairin kristian taki ba ai daukanka yamni ba wal sip sa ai maya waitna ra hilp munaia kasak tânka ba alki briaia. Sakuna witin baku daukbia, ban kra mapa buanka lâka tilara mani ailal (1Pi 2:21-23; 3:1, 2). Baha sât trabilka mita man ba pât wahwisma kaka, yamni lâka ba ni saurka ba pura lus (Ro 12:21). Man daukankam pain ba kau yamni sa mayam kupia alkaia dukiara wihki witin ra diara aisisma ba wal.

Trai muns mayam trabilka nani ra lukaia (Pil 2:3, 4). Witin nahki ai dara wali ba dukiara luks bara witin ra umpira kaiks, baku sin dîa sip sma ba kat maya mairin warkka ba pain pali dauks. Turi mai aisabia taim pain wals (Je 1:19). Wihka bîla kaikanka bris bara lamtwanka lâka witin ra mariks, pana witin sim sât mai munras kabia sin. Sakuna man lilia kaia sip sma kan kasakkam ba Jehova yamni kaikisa (1Pi 2:19, 20).

JEHOVA KARNIKA WANKISA WAN KARBANKA NANI BA BRIH WAIA DUKIARA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Grace Li marit takan pas manka nani ra ai rayaka ba nahki kan ki?

• ¿Dîa muni witin Baibil kasak tânka ba lan takaia want kan ki?

• ¿Lakri mairin Grace ba tahbi daukan ningkara dîa mita hilp munan ai trabilka nani mapara bapi bûi kaia?

• ¿Lakri mairin Grace ba ai maya waitna dukiara Jehova ra dîa makaban ki?

• ¿Lakri mairin Grace ba dîa blisin nani brin sa ai daukanka sunu bara rispik lâka tara mariki ba mita?