Lisin 13

Magia bara sukia laka nani ba saura sa

Sitan want sa yawan magia laka ba dauki kabia. Upla nani ailal ba sakripais dauki sa ai almuka nanira apia kaka spirit nanira saura munbia apia dukiara. Dauki bangwi sa kan spirit nani pliska karnika bara sia brisa. Naha uplika nani na brihwi sa matadinka nani apia kaka bankil nani karnika tara briba. Witin nani lukisa karnika tara brisa “sika nani” dih bangwi ba apia kaka ai wîna tara ra aubisa baha nani wal. Upla kum kum diara nani yukukisa ai watlara apia kaka bikisa, kan luki bangwi sa naha nani ba ai kan kahbaia karnika brisa. Wala nani yus munisa “sika nani” karnika tara bri ba kan luki bangwi sa ai bisniska nanira hilp mumbia, skul iksamintka nanira, apia kaka kut takaia laka nanira.

Sitan wina wan kan kahbaia tnatka kau pain kum ba sika Jehova panika nani kaia. Jehova God bara ai insalka nani aikuki kau karnakira sa Sitan bara ai lasika nani aikuki (Jems 2:19; Reveleshen 12:9). Jehova brinka kum tara pali brisa ai karnika ba yus munaia ai panika nani dukiara, baha nani aiska pali ban wihka bapi bangwi ba witin ra.​—2 Kronikas 16:9.

God Bila wisa: “Magia warkka ba daukaia apia sa.” Jehova latubi sa magia bara sukia laka ba kan naha daukanka nani ba sipsa wan mangki bangwaia Sitan Dibil karnika ba mununhtara.​—Levitico 19:26.