SMALKANKA 29
¿Upla pruisa taim ai rayaka wal dîa takisa?
¿Uplikam latwankira kum pruan sa ki? Uba sari damra walisma kaia sa, ban kra makabi walisma “¿Upla prubia ningkara ban raya sa ki? ¿Yang upliki pruan ba kli kaikamna ki?”. Naha smalkanka ra bara aula ba ra sin baha tânka nani marikisa, bara baku maisa nihkanka briaia.
1. ¿Upla pruan ningkara ban raya sa ki?
Jisas ba prura tânka ba dukiara aisan bara upla yapi ba baku sa win. Upla kum aiska pali yapuya taim, ai tnaya kir ra dîa taki ba nu âpu sa. ¿Upla pruan ba dîa muni witin yapi ba baku sa? Upla kum pruan taim, latwan bara pât kumi sin wauhras, uplika ba raya kan taim ai pamalika ra uba latwan kaiki kan, sakuna pat pruan na ra witin yakan sa lukras. Kan Baibil bila “pruan nani ba diara tânka sin briras” (Smasmalkra 9:5 aisi kaikma).
2. ¿Prura tânka kasak ba briaia nahki hilp wan munisa?
Upla ailal ba pruan nani ra sibrin lukisa, ¡baku sin pruaia sîa brisa! Prura dukiara Baibil dîa smalki ba wan maisa nihkisa. Jisas win: “Kasak tânka ba mita sin pri mai sâkbia” (Jan 8:32). Rilidian kum kum smalkisa upla pruan ningkara, ai sulka ba pruras, ban sakuna Baibil lika baha smalkras. Baku bamna, upla kum prubia ningkara latwan wauhras. Baku sin, upla pruan nani ba diara tânka briras na ra, witin nani ba saura wan munaia sip apia. Baha mita nit âpu sa pruan nani ra mayuni kulkaia, apia kaka prias dauki yamni munaia.
Upla kum kum bila pruan nani ba wal aisisa. Sakuna upla kumi sin sip apia. Yawan pat kaikata baku, “pruan nani ba diara tânka sin briras”. Ya ya upla pruan wal aisisa wi ba, rait pali insal saurakira nani wal aisisa, kan baha nani ba wan latwankira pruan uplika sa wisi kunin munisa. Baku bamna, prura dukiara wan tânka klir brisa taim, insal saurakira nani wina wan kan kahbisa. Jehova wan maisa pakisa upla pruan nani wal aisaia apia, kan baku daukisa kaka lasa nani ba saura wan munbia (Kli Smalkanka 18:10-12 aisi kaikma).
KAU LAN TAKS
Prura tânka ba dukiara kaisa kau laki kaikaia. Bamna, Gâd ra kau kasak lukaia sa kan witin latwan wan kaikisa, baku sin witin upla pruan nani ra panis yabras.
3. Upla pruisa taim dîa lika takisa
Tasba aiska ra upla nani ba diara sât sât lukisa pruan nani ba dukiara. Latan sa, baha lukanka nani tilara sut ba kasak apia sa.
Man tawankam ra, ¿pruan nani ba dukiara upla nani dîa lukisa?
Baibil dîa smalki ba nu takaia dukiara, LILKA ba kaikma.
Smasmalkra 3:20 aisi kaikma, bara naha dukiara aisi banhma:
Baha tikska aisi ba baku, ¿upla pruan nani ra dîa takisa?
Upla pruisa taim, ¿ai sulka apia kaka ai spiritka ba ban raya sa ki?
Baibil ba Lasarus pruan ba dukiara aisisa, witin ba Jisas pânika latwankira kum kan. ¿Lasarus pruanka ba dukiara Jisas dîa win? Jan 11:11-14 aisi kaikma, bara naha dukiara aisi banhma:
¿Jisas ba prura dukiara aisan taim dîa wal praki kaikan?
Baha praki kaikanka Jisas win ba, ¿dîa wan smalkisa upla pruanka ba dukiara?
¿Prura tânka Baibil smalki ba dukiara dîa lukisma?
4. Prura tânka ba yawan pain brisa taim pri wan sakisa
Prura tânka kasak ba yawan brisa taim, upla pruan sîa ba wina yawan pri takisa. Smasmalkra 9:10 aisi kaikma, bara naha dukiara aisi banhma:
¿Upla pruan nani ba sip sa saura wan munaia?
Baibil tânka kasak ba yawan brisa taim kunin lâka wina pri takisa, kan upla pruan nani ra nit âpu sa lamni daukaia, mayunaia sin apia. Libait Lâka 20:6 bara Param Marikan 4:11 aisi kaikma, bara naha dukiara aisi banhma:
Man dîa wiaia sip sma, ¿upla ba pruan nani ra mayunisa bara hilp plikisa taim Jehova nahki ai dara walisa?
Prura tânka kasak ba yawan brisa taim upla lukanka kuninkira ba wina pri wan sakisa, kan baha nani ba Jehova pain kaikras
5. Prura tânka kasak ba briaia wan maisa nihkisa
Upla ailal ba prura tânka ba wahra lan takisa, baha mita witin nani lukisa prubia taim panis wauhbia diara saura daukan tâka. Ban sakuna Baibil wan maisa nihkisa, kan wan smalkisa upla pruan nani ba panis wauhras sa, saurakira pruan nani sin. Roman 6:7 aisi kaikma, bara naha dukiara aisi banhma:
Baibil aisi ba baku upla kum pruisa taim, Gâd ba ai saurka lâka pâtka ba kulkras. Baha mita, ¿man lukisma upla nani pruan ba panis wahwisa ai saurka lâka mana aibapaia dukiara?
Yawan Jehova ra kau kakaira takbia kaka, kau wan tânka bribia witin ba upla pruan nani ra panis yabras ba. Kli Smalkanka 32:4 bara 1 Jan 4:8 aisi kaikma, bara naha dukiara aisi banhma:
Baha tikska nani ba Jehova lâka painkira nani wan marikisa, ¿baku sa kaka man lukma ki witin ba upla pruan nani ra panis yabia?
Man dîa lukisma, ¿prura tânka kasak ba yawan brisa taim Gâd wan maisa nihkisa? ¿Dîa muni?
UPLA KUM KUM NAKU LUKISA: “Yang pruamna taim dîa ai takbia sapa sîa brisna”.
Upla kum baku mai wibia kaka, ¿ani Baibil tikska nani yus muni maisa nihkma?
DÎA LAN TAKRAM
Upla pruya taim, ai rayaka ba danh takisa. Upla pruan nani ba panis wauhras, upla nani ra sin saura munras.
Wan kupia krawaia
¿Upla pruya taim dîa takisa?
¿Prura tânka kasak ba dîa kuninka wina pri wan sakisa?
Prura tânka kasak ba yawan brisa taim, ¿nahki Gâd wan maisa nihkisa?
KAU PLIKI KAIKS
Kaiks Baibil dîa pali smalkisa upla “sulka” ba dukiara.
Tânka pliki kaiks Gâd bui hil pauta wal saurakira nani ra klala yabisa sapa.
¿Hil pauta panis yabaia pliska ba rait pali bâra sa ki? (3:07)
¿Upla pruan nani ra sîa briaia sa ki?
Waitna sturka kum ba laki kaiks nahki prura tânka kasak ba brin taim Gâd wina maisa nihkanka brin.
“Baibil tânka klir nani ba kasak pain kaikri” (La Atalaya febrero 1, 2015)