Псалми

140 Избави ме, Јехова, од зли луѓе,+

зачувај ме од насилен човек,+

 2 од оние што смислуваат пакости во своето срце,+

кои по цел ден започнуваат војни!+

 3 Го наостриле јазикот како змија,+

отров на рогата лутица имаат под усните.+ (Села)

 4 Чувај ме, Јехова, од рацете на злиот,+

зачувај ме од насилен човек,+

од оние што смислуваат како да ме сопнат!+

 5 Оние што самите себеси се возвишуваат, тајно ми наместија стапица,+

покрај патот раширија јажиња како мрежа.+

Клопки ми поставија.+ (Села)

 6 Му велам на Јехова: „Ти си мојот Бог.+

Слушни го, о Јехова, гласот на моите сесрдни молитви!“+

 7 Јехова, Севишен Господару,+ сило на моето спасение,+

ја засолнуваш мојата глава во денот на војната.+

 8 Немој, Јехова, да му ги исполниш желбите на злиот!+

Немој да ги поддржиш неговите сплетки, за да не се вообрази.+ (Села)

 9 Главите на оние што ме опкружуваат+

нека ги покрие неволјата што ја спомнуваат нивните усни!+

10 Вжарени јаглења нека паднат врз нив!+

Нека паднат в оган,+ во јами со вода, та да не станат!+

11 Нека не се утврди на земјата оној што се расфрла со зборови!*+

Зло нека го прогонува насилниот човек и нека го удира!+

12 Знам дека Јехова ќе му даде+

право на страдалникот и правда на сиромасите.+

13 Навистина, праведниците ќе му благодарат на твоето име,+

чесните ќе престојуваат пред твоето лице.+