Водство во изборот на добри другари

ЗА ВОДСТВО во врска со облекувањето и музиката, младите се ослонуваат на своите врсници наместо на родителите, забележува еден извештај во Reader’s Digest. Затоа, животоважно е родителите да знаат со кого се дружат нивните деца и каде.

„Ваша одговорност е да испитате“, вели Езма фон Ренсборк, виш предавач во одделот за психологија на еден универзитет во Јужна Африка. Таа додава: „Постојат шанси дека вашето дете ќе се изнервира со вас, но ќе се смири“. Потоа, таа им ги дава на родителите следниве препораки. Правилата треба да бидат логични и да содржат јасни основни начела; слушајте го детето; не реагирајте претерано туку останете смирени и знајте што сакате да кажете. Доколку вашето дете веќе склопило пријателство со некој непожелен другар, сосредоточете се на неприфатливото однесување што се унапредува со тоа пријателство наместо само да му забранувате понатамошно дружење.

Здравиот совет за родителите веќе долго време е достапен во Божјата реч, Библијата. На пример, таа вели: ‚Биди брз во слушањето, а спор во зборувањето, и бавен на гнев‘ (Јаков 1:19). Исто така, Писмото го дава и овој убав совет во врска со изборот на другари: „Кој се состанува со мудри, мудар ќе биде; а кој другарува со безумни, глупав ќе биде“ (Изреки 13:21). Овие примери ја илустрираат мудроста која им е достапна на оние кои со ценење ја читаат Библијата и она што таа го вели го применуваат во секојдневниот живот.