Да му се остане лојален на Јехова

ЛОЈАЛНОСТА, иако денес ретко ја има, е особина која ги карактеризира слугите на вистинскиот Бог Јехова. Лојалната личност останува цврста низ испитите и непоколеблива и покрај изминувањето на времето. Размисли за добриот цар Езекија. „Како него немаше меѓу сите јудејски цареви — и по него, и пред него“, вели Библијата. Што го направило Езекија единствен? Тој ‚се приврзал кон Господа [Јехова, NW]‘ иако бил опкружен со обожаватели на лажниот бог Молох. Да, Езекија ‚не отстапувал од [Јехова] и ги пазел заповедите Негови‘ (4. Царства 18:1—6).

Апостол Павле бил уште еден човек кој му останал лојален на Јехова. Записот за неговата служба кој се наоѓа во Христијанските грчки списи дава живо сведоштво за Павловата постојаност во вршењето на службата на Бог со сета душа. Кон крајот на својот земен живот, Павле за себе можел да рече: „Добро се борев, патот го завршив, верата ја запазив“ (2. Тимотеј 4:7).

Какви само прекрасни примери на лојалност ни се Езекија и Павле! Да ја имитираме нивната вера со тоа што ќе му останеме лојални на нашиот Величествен Бог Јехова (Евреите 13:7).