Состаноци кои поттикнуваат на љубов и добри дела

Првите христијани обично се состанувале во приватни куќи, за да примаат поука и да уживаат во изградувачко друштво. Денес собранијата на Јеховините сведоци се состануваат три пати неделно. Поканети сте да посетите некој од овие состаноци. Нивните состаноци не се ритуални, туку се сосредоточуваат на божествената поука. Собранските состаноци започнуваат и завршуваат со песна и молитва. Влезот е слободен и не се собираат прилози (Дела на апостолите 4:23-31; 14:22; 15:32, 35; Римјаните 16:5; Колосјаните 4:15).

Првиот состанок кој ќе го посетите веројатно ќе биде 45-минутно јавно предавање, на кое се зборува за библиски науки, пророштва или се даваат совети за христијанското живеење. После тоа предавање следи студија на Библијата на темел на една статија од Стражарска кула која е составена посебно за собраниска студија. Студијата се одвива на следниот начин: Се чита пасус од Стражарска кула, водителот поставува прашања за прочитаното, а оние кои сакаат да коментираат креваат рака. Обично на секое прашање одговараат повеќе присутни. Тој состанок трае еден час.

Во друг ден од неделата се одржуваат други два 45-минутни состанока. Едниот од нив е Теократската школа на проповедање. На него се учиме како да се снајдеме во библискиот материјал и за делотворно поучување. После 21 минута посебни поуки, учениците кои однапред се одредени, даваат кратки прикази. После секој приказ, водителот на школата дава совет и покажува како ученикот може да се подобри. За оваа служба постојат неколку прирачници. Можат да учествуваат сите кои редовно ги посетуваат состаноците, ако живеат на начин кој е согласен со христијанските начела.

Следниот состанок се нарекува Службен состанок. Тој се состои од три или четири дела во кои се разгледуваат начините на презентирање на добрата вест од куќа до куќа, како и други карактеристики на службата на проповедање. Овие делови се изнесуваат како говори, разговори или прикази, а учествува и публиката. Поголемиот дел од програмата се темели на материјалот кој се наоѓа во Наша служба за Божјето Царство; тоа се упатства на четири страници кои месечно ги објавува Друштвото Стражарска кула.

Третиот состанок е седмична студија која се одржува во помали групи, обично во приватни станови на подрачјето на собранието. Таа студија се темели на Библијата и на една од последните книги кои ги издало Друштвото. Бидејќи групата е помала, постои подобра можност сите да учествуваат во дискусијата, а тоа е и добра можност за присутните подобро да се запознаат меѓусебно.

Повеќето собранија своите состаноци ги одржуваат во некоја од Царските сали кои ги изградиле Јеховините сведоци. Трошоците се покриваат со доброволни прилози од самите Сведоци и во повеќето случаи работите бесплатно ги извршуваат доброволни работници. На сите состаноци се поставени кутии за прилози за да им послужат на сите оние што сакаат да дадат прилог.

Собраниските состаноци им помагаат на Јеховините сведоци да го следат советот од писмото до Евреите 10:24, 25: ”И да внимаваме едни на други во поттикнувањето на љубов и добри дела, не пропуштајќи ги своите состаноци, како што некои имаат обичај, туку да се охрабруваме едни со други, и тоа дотолку повеќе колку што гледате дека се приближува денот.“

● Кои карактеристики на раните христијански состаноци можат да се забележат на состаноците на Јеховините сведоци?

● Опиши што се изнесува на петте состанока кои Јеховините сведоци редовно ги одржуваат?

● Како Јеховините сведоци доаѓаат до сали за состаноци?

[Слики на страница 14]

Старешина ја води студијата на Стражарска кула, САД

Сцена од Теократската школа на проповедање, Острови Фероу

Групна студија во приватен стан, Јап

Царска сала во Њу Браунфелс, Тексас, САД, која Јеховините сведоци ја изградија за два дена

[Слики на страница 15]

Царски сали во разни земји

Јапонија

Австралија

Австрија

Шпанија