Лекција 1

Како можеш да дознаеш што бара Бог

Кои важни информации ги содржи Библијата? (1)

Кој е автор на Библијата? (2)

Зошто треба да ја проучуваш Библијата? (3)

1. Библијата е скапоцен подарок од Бог. Таа е како писмо од еден татко полн со љубов до своите деца. Таа ни ја кажува вистината за Бог — кој е тој и што тој претставува. Таа објаснува како да се излезе на крај со проблемите и како да се пронајде вистинска среќа. Само Библијата ни кажува што мораме да сториме за да му угодиме на Бог (Псалм 1:1—3; Исаија 48:17, 18).

2. Библијата ја напишале околу 40 различни мажи во период од 1.600 години, почнувајќи во 1513 пр. н. е. Таа е составена од 66 мали книги. Оние кои ја пишувале Библијата биле инспирирани од Бог. Тие ги пишувале неговите мисли, а не сопствените. Значи, Автор на Библијата е Бог кој е на небото, а не некој човек на Земјата (2. Тимотеј 3:16, 17; 2. Петрово 1:20, 21).

3. Бог се погрижил Библијата да биде точно препишана и зачувана. Отпечатени се повеќе Библии отколку која и да било друга книга. Сите нема да бидат среќни кога ќе видат дека ја проучуваш Библијата, но не дозволувај тоа да те спречи. Твојата вечна иднина зависи од твоето запознавање со Бог и од вршењето на неговата волја и покрај какви било противења (Матеј 5:10—12; Јован 17:3).