Да се покажува ценење за литературата
1 ,Пишувањето на многу книги нема крај‘ (Проп. 12:12). Многу книги не вредат ни колку хартијата на која се печатени. Меѓутоа, тоа не е случај со литературата што ја издава Watchtower Society. Таа е вредна бидејќи содржи животоспасувачка духовна храна. Таа им помага на заинтересираните да го запознаат Јехова и ја зајакнува верата на оние кои веќе се предадени Јеховини слуги.
2 Нашата литература сакаме да ја споделиме со другите, бидејќи знаеме дека можат да имаат корист од неа. Иако се дава бесплатно, со нејзиното производство и разделување се поврзани трошоци. Затоа, не сакаме да ги раздаваме публикациите без да правиме некоја разлика. Ако не сме сигурни за интересот на станарот, обично ќе понудиме поединечни примероци на Стражарска кула и Разбудете се! или можеби само трактат. Треба да навратиме кај секој кој прима литература, и ако тогаш се покажува интерес, би можеле да понудиме друга публикација.
3 Некои се колебаат да им кажат на станарите дека делото се поддржува со доброволни прилози, но во повеќето случаи добро е да се каже. Така на станарот му станува јасно дека нашето дело не е комерцијално. Со тоа се истакнува дека целта е да се проповеда добрата вест на Царството и да се прават ученици. Тоа ни помага да препознаваме вистински интерес. Луѓето обично имаат пари за работи како што е тутунот или за световна литература. Ако тие искрено се заинтересирани за она што си им го кажал, ќе увидат дека е логично да се дава прилог за поддржување на вистинското христијанство. Ако објаснеме како делото се поддржува, го покажуваме нашето ценење за литературата. Покажуваме дека сме свесни за трошоците кои се поврзани со нејзиното производство.
4 Ако прашањето за прилози се прикаже на исправен начин, многу станари радо му помагаат на нашето животоважно дело. Можеби понекогаш ќе мислиш дека не е на место да се спомене подготовката за донации, но обично добро е да се спомене при првата посета ако станарот е заинтересиран да ја чита литературата што ја нудиме.