Помогни им на другите да научат за Најголемиот човек
1 Многумина кои ја прочитале книгата Најголемиот човек кој некогаш живеел изразиле искрено ценење за влијанието што таа го извршила во нивниот живот. Еден од нив напишал: „Кога стигнав до крајот на книгата се чувствував повикан од Исус да му се придружам, да живеам покрај него, да ги делам неговите страдања, емоции, секој аспект од неговата служба. . . . Читањето на книгата е како гледање филм за Исусовиот живот“.
2 Книгата Најголемиот човек ни помага подобро да се запознаеме не само со Исус туку и со Јехова (Јован 14:9). Во врска со книгата, еден 12-годишник рекол: „Таа толку ме утеши што му се помолив на Јехова со солзи радосници веднаш штом ја прочитав. Длабоко во себе повторно се уверив дека Јехова и Исус бдеат над нас“. Исус рекол, како што е запишано во Јован 17:3, дека вечен живот за нас значи да го запознаеме Јехова и неговиот Син. Проучувањето на оваа книга за Исусовиот живот ни дава посебен увид во Јеховината личност бидејќи Исус е „точниот отпечаток на самото негово битие“ (Евр. 1:3, NW ).
3 Преку 19 милиони примероци на книгата Најголемиот човек се отпечатени на преку 70 јазици. Ова покажува колку книгата е добро прифатена. Многумина ја читаат целата веднаш штом ќе ја добијат. Еден интересент завршил со читањето по две седмици откако ја добил. Некој свештеник кој ја зел книгата изјавил: „Не можам да се одвојам од книгата. Заедно со жена ми ја читаме по малку секоја вечер пред да си легнеме“.
4 Неформално сведочење: Еден брат им ја покажал книгата Најголемиот човек на колегите на работа. Се расчуло дека ја има оваа книга и се зборувало за она што таа го содржи. Неговите соработници направиле список на оние кои сакале по еден примерок. Поделил 461 книга! Петмина од оние кои ја добиле сега проучуваат. Една сестра, додека патувала со авион, му ја оставила книгата Најголемиот човек на некој свештеник кој тргнал да присуствува на заредувањето на нов кардинал. Свештеникот бил во Ватикан 40 години. Секој од нас треба потполно да ги искористи приликите да им ја препорача книгата на другите.
5 Младите ја ценат: Децата покажуваат голем интерес за книгата. Еден деветогодишник напишал: „Моја омилена публикација е Најголемиот човек кој некогаш живеел затоа што од неа научив многу“. Кога среќаваме деца во службата на подрачјето, треба да одвоиме време, ако дозволуваат нивните родители, да им ја покажеме книгата и да разгледаме некои од нејзините врвни точки и илустрации. Можеби ќе можеме да им ја оставиме на овие деца. Кога им е пружена прилика да научат за Исус, денешните младинци можат да се поврзат со него. Исус бил пристаплива личност (Мат. 19:14, 15).
6 Читањето на книгата Најголемиот човек може да им ги промени животите на луѓето. Обиди се колку што можеш повеќе луѓе да запознаеш со нејзината содржина. Користи го материјалот од последната страница од уводот во книгата, под поднаслов „Корист од учењето за него“. Овој материјал ќе им помогне на луѓето да се сосредоточат на она што можат да го извлечат од читањето на книгата. Многумина на твоето подрачје, откако ќе ја прочитаат книгата, може да изјават како еден човек: „Тоа е најдобрата книга што некогаш сум ја прочитал! Ми го промени животот“.