Рубрика прашања

◼ На кое мерило во врска со облекувањето и дотерувањето треба да внимаваме кога ги посетуваме Бетелските домови и објекти на подружницата?

Кога го посетуваме Бетел, сеедно дали за да ги разгледаме објектите или за да посетиме некој од бетелската фамилија, „нашето облекување, дотерување и однесување треба да биде слично на она што се очекува од нас кога присуствуваме на состаноците за обожавање во Салата на Царството“ (Наша служба, страница 131). Меѓутоа, забележано е дека кога ги посетуваат канцелариите на подружниците, некои браќа и сестри се склони да се облекуваат премногу неформално. Тоа не е соодветно кога се посетуваат овие објекти. Нашиот изглед треба да биде примерен, уреден и скромен, да одразува пристојност и достоинство како што им прилега на слугите на Јехова Бог (1. Тим. 2:9, 10).

Ова е особено важно кога ги посетуваме Бетелските домови и објектите на подружницата бидејќи го привлекуваме вниманието на многу набљудувачи не-Сведоци. Таквите набљудувачи можат да оформат мислење за Божјиот народ и неговата организација на темел на она што го гледаат. Би било добро да разговараме со библиските студенти и другите што можеби ќе ги посетат овие објекти за да ги потсетиме за тоа колку е важно да се обрне внимание на исправното облекување и дотерување. Бетелската фамилија ќе биде благодарна ако го сториш тоа.

Како христијански министри мораме да внимаваме нашиот изглед да не претставува никаков повод за спрепнување (2. Кор. 6:3, 4). Напротив, со нашата соодветна пристојност секогаш ‚да го украсуваме учењето на нашиот Спасител, Бог, во сѐ‘ (Тит 2:10).