Сезоната на Меморијалот — време на зголемена активност
1. Како влијаеле „сезонските празници“ врз богобојазливите Израелци?
1 Во одредени времиња од годината, древните Израелци ги прославувале „празниците Јеховини“ (Лев. 23:2, NW). Тоа што си одвојувале време да размислуваат за добрината на нивниот Бог доведувало до голема радост и ги поттикнувало да бидат ревносни за чистото обожавање (2. Лет. 30:21—31:2).
2, 3. Зошто е соодветно да ја зголемиме нашата духовна активност во сезоната на Меморијалот, и кога ќе го одбележиме?
2 Во денешно време, кога е сезоната на Меморијалот, ги засилуваме нашите теократски активности кои ни причинуваат радост. Тоа е време кога длабоко размислуваме за скапоцениот подарок што сме го добиле од Јехова — неговиот единороден Син (Јован 3:16; 1. Петр. 1:18, 19). Додека длабоко размислуваме за љубовта што ни ја покажале Бог и неговиот Син, поттикнати сме да го славиме Јехова и да се напрегаме во вршењето на неговата волја (2. Кор. 5:14, 15).
3 Годинава Господовата вечера ќе се одбележи во четврток 24 март, по зајдисонце. Како можеме да го зголемиме нашето учество во службата во текот на месеците март, април и мај?
4, 5. а) Што им помогнало на некои да достигнат повеќе луѓе со добрата вест? б) Од твое искуство, што се покажало делотворно на локалното подрачје?
4 Да достигнеме повеќе луѓе: Барај разни начини да достигнеш колку што е можно повеќе луѓе кога одиш во службата на проповедање. Можеш ли да планираш да одиш во служба од куќа до куќа кога повеќето луѓе се дома, како на пример доцна попладне или навечер? Ако некој од твојата група за студија на книга би сакал да оди во служба пред состанокот, тогаш надгледникот на таа студија на книга би можел да организира краток состанок за служба за да се оди на некое блиско подрачје.
5 Друг начин да достигнеме многу луѓе е да сведочиме на јавни места. Една сестра во Јапонија сакала да биде помошен пионер и покрај нејзиното полно работно време. Еден старешина ѝ предложил да сведочи на улица, близу до една железничка станица, и тоа секој ден пред да оди на работа. Откако ја надминала својата плашливост и исмевањето на некои редовни патници, таа воспоставила редовна обиколка со списанија кај околу 40 лица, вклучувајќи и редовни патници, работници на станицата и сопственици на блиските продавници. Секој месец давала просечно по 235 списанија. Со тоа што на луѓето им кажувала нешто од Библијата само по неколку минути секој ден, била во можност да започне шест библиски студии.
6. Како можат младите да ја зголемат својата духовна активност?
6 Можности за сведочење: Многу објавители кои одат на училиште имаат распусти во текот на годината. Тие распусти се добра можност за помошна пионерска служба. Исто така, младите христијани можат да ја зголемат својата активност ако сведочат на училиште. Ќе се изненадиш колку ќе бидат љубопитни соучениците за твоите верувања. Зошто да не ги искористиш дискусиите во училницата или некоја од писмените задачи за да дадеш сведоштво? Други биле во можност да го направат тоа користејќи ги нашите видео касети. Некои започнале библиски студии со школски другари и им помогнале да напредуваат до предание и крштавање. Тоа се прекрасни начини да се ‚фали Јеховиното име‘ (Пс. 148:12, 13, NW).
7. а) Како еден брат ја искористил можноста да им сведочи на другите? б) Дали си уживал во некое слично искуство?
7 Во твоите секојдневни активности, пробај различни начини да им зборуваш на луѓето за нашиот прекрасен Бог и за неговите извонредни ветувања. Еден брат секој ден патува со неколку редовни возови. Тој ја користи секоја погодна прилика да им сведочи на редовните патници. На пример, додека на една станица го чекал следниот воз, му сведочел на еден млад човек секој ден по околу пет минути. Поради тоа, овој младич и неговиот колега се согласиле да имаат библиска студија. Библиската студија се водела во возот додека патувале. Малку подоцна, една постара жена која ги слушала нивните разговори, му пристапила на братот и го замолила да ја проучува Библијата и со неа. Таа исто така ужива во нејзината студија во деновите кога патува. На овој начин, братот проучувал со десет различни лица.
8. Која гранка од службата ќе им помогне на оние чиишто можности се ограничени поради старост или здравствени проблеми да го зголемат својот удел во неа?
8 Што да правиш ако можностите ти се ограничени поради старост или здравствени проблеми? Сѐ уште постојат начини со кои во зголемена мера можеш да го славиш Јехова. Дали си се обидел да сведочиш по телефон? Ако не си сигурен како да го правиш тоа, разговарај со твојот надгледник на студија на книга. Тој ќе организира да ти помогнат објавители кои веќе го користат овој метод. Кога ќе соработувате, ќе можете да учите еден од друг и ќе си помагате успешно да сведочите. Делотворни предлози за сведочење по телефон може да се најдат во Наша служба за Царството од февруари 2001, страници 5-6.
9. Како можеме да им помогнеме на лицата кои ја проучуваат Библијата да ги исполнат условите да одат во јавната служба заедно со собранието?
9 Присуството на Меморијалот може да ги поттикне новите да го слават Јехова во зголемена мера. Можеш да им помогнеш да го надминат кој било страв што го имаат во врска со формалната проповедничка активност така што ќе им пренесуваш охрабрувачки искуства од службата и постепено ќе ги поучуваш да ги објаснуваат библиските науки и да ја бранат својата вера (1. Петр. 3:15). Ако ученикот изрази желба да ја објавува добрата вест, зборувај со претседавачкиот надгледник. За да утврди дали ги исполнува условите да оди во јавна служба со собранието, тој ќе договори средба со него. Колку само мора да се радува Јеховиното срце кога гледа дека новите заземаат став на негова страна во поглед на универзалното спорно прашање! (Посл. 27:11).
10. а) Како може добриот распоред да ни помогне да бидеме помошни пионери? б) Дали беше помошен пионер минатата година во сезоната на Меморијалот? Како ти успеа тоа?
10 Можеш ли да бидеш помошен пионер? Треба сериозно да се гледа на барањето од 50 часови за помошна пионерска служба (Мат. 5:37). Ова значи дека треба да се погрижиш да посветиш просечно по 12 часа во служба на проповедање секоја седмица. Дали некој од предложените распореди за помошна пионерска служба на страница 5 би одговарал на твоите околности? Ако не, тогаш дали можеш да си направиш распоред што ќе ти овозможи да бидеш помошен пионер во март, април или мај? Моли го Јехова да ги благослови твоите напори за зголемена активност во службата (Посл. 16:3).
11. Како можат старешините и слугите помошници да ги поддржат оние што ќе служат како помошни пионери?
11 Старешините и слугите помошници целосно ќе ги поддржат твоите напори, за да можеш да го фалиш Јехова на посебен начин во оваа сезона на Меморијалот. Веројатно, многу од нив ќе бидат помошни пионери. Ако е потребно старешините ќе организираат дополнителни состаноци за служба, како на пример доцна попладне, навечер и во викендите. За да одредат каде и кога ќе се одржуваат и кој ќе биде на располагање за да ги води тие состаноци, старешините може да се договорат со оние кои имаат конкретни планови да бидат пионери или размислуваат за тоа. Старешините ќе се трудат да обезбедат да има на располагање и други објавители кои ќе те поддржуваат во службата во времето што си го испланирал. На овој начин, можат да се направат успешни планови и може да се постигнат многу добри резултати (Посл. 20:18).
12. Што нѐ поттикнува постојано да го фалиме Јехова?
12 Дај сѐ од себе: Ако твоите околности не ти дозволуваат да бидеш помошен пионер, запомни дека Јехова го прифаќа нашиот труд и жртви ‚според она што го имаме, а не според она што го немаме‘ (2. Кор. 8:12). Имаме толку многу работи за кои треба да му благодариме на Јехова. Со добра причина Давид напишал: „Ќе Го благословувам Господа во секое време. Неговата пофала секогаш ќе ми биде во устата“ (Пс. 34:1). Нека биде тоа и наша решеност во текот на сезоната на Меморијалот.
[Рамка на страница 3]
Како ќе ја зголемиш твојата активност?
◼ Проповедај кога луѓето се дома
◼ Сведочи на јавни места
◼ Сведочи на работа и на училиште
◼ Сведочи по телефон
◼ Служи како помошен пионер
[Табела на страница 5]
Предлози за распореди за помошна пионерска служба
Како да испланираш 12 часа во службата на проповедање секоја седмица
Претпладне — од понеделник до сабота
Неделата може да биде замена за кој било друг ден
ден период часови
понеделник претпладне 2
вторник претпладне 2
среда претпладне 2
четврток претпладне 2
петок претпладне 2
сабота претпладне 2
Вкупно часови: 12
Цели два дена
Може да се изберат кои било два дена во седмицата (Во зависност од избраните денови, со овој распоред може да се постигнат само 48 часа во месецот)
ден период часови
среда цел ден 6
сабота цел ден 6
Вкупно часови: 12
Две вечери и викендот
Може да се изберат кои било две вечери од седмицата
ден период часови
понеделник навечер 1 1/2
среда навечер 1 1/2
сабота цел ден 6
недела половина ден 3
Вкупно часови: 12
Три попладниња и сабота
Неделата може да биде замена за кој било ден
ден период часови
понеделник попладне 2
среда попладне 2
петок попладне 2
сабота цел ден 6
Вкупно часови: 12
Мој личен распоред за служба
Избери го бројот на часови за секој период
ден период часови
понеделник
вторник
среда
четврток
петок
сабота
недела
Вкупно часови: 12