„Духот нека ве поттикнува на ревност“
1. Како треба да проповедаме?
1 Не смееме да запоставиме ниеден дел од нашата христијанска служба. Напротив, во Библијата читаме дека ‚духот треба да нѐ поттикнува на ревност‘ и дека треба ‚да му робуваме на Јехова‘ (Рим. 12:11). Но, има многу работи што можат да ни ја намалат ревноста за службата. Како можеме ‚да ги разгориме‘ ревноста и одушевеноста за службата за Царството? (2. Тим. 1:6, 7).
2. Која е врската меѓу личното проучување на Библијата и ревносното проповедање?
2 Лично проучување: Делотворен објавител на Царството е оној што го сака Божјиот закон и врз кого длабоко влијаат вистините изнесени во него (Пс. 119:97). Кога ќе најдеме некој духовен бисер во Библијата додека проучуваме, тоа влијае врз нашето срце и ни ја зголемува ревноста. Од љубов кон Оној што ни ги дава таквите вистини и од желба да им ја пренесеме добрата вест на другите, ние сме поттикнати да го фалиме Бог и да го објавуваме неговото име (Евр. 13:15). Значи, кога ревносно ја пренесуваме добрата вест покажуваме колку длабоко ја цениме.
3. Како може Божјиот дух да влијае врз нашата служба?
3 Моли се за Божјиот дух: Не можеме да бидеме успешни во службата со свои сопствени сили. Вистинската ревност е резултат на влијанието на Божјиот дух (1. Пет. 4:11). Колку поблиски сме со Јехова, Изворот на „голема моќ“, толку поголема духовна сила ќе имаме која ќе ни помогне смело да сведочиме (Иса. 40:26, 29-31). Кога наидувал на проблеми во службата, апостол Павле ‚добивал помош од Бог‘ (Дела 26:21, 22). Светиот дух, кој влева сила, може да нѐ поттикне на ревност, па затоа треба да го молиме Јехова да ни го дава (Лука 11:9-13).
4. Какви резултати може да донесе ревноста, но на што треба да внимаваме?
4 Кога со голема ревност ја проповедаме добрата вест, честопати се разгорува ревноста и на нашите соверници (2. Кор. 9:2). И луѓето на подрачјето ќе бидат поспремни да ја прифатат пораката за Царството ако им ја пренесеме со одушевеност и увереност. Меѓутоа, ревноста секогаш мора да биде придружена со обѕирност и благост (Тит 3:2). Секогаш треба да го почитуваме достоинството на станарот и неговото право на избор.
5. Кој вдахновен совет треба да се трудиме да го применуваме?
5 Како објавители на Царството, ‚духот нека нѐ поттикнува на ревност‘. Да ја разгоруваме ревноста преку личното проучување на Библијата и преку сесрдните молитви до Јехова, кој може да ни го даде моќниот свет дух. На тој начин, можеме ревносно да ја извршуваме нашата служба „со свет дух и со длабоко уверување“ (1. Сол. 1:5).