Чувај си ја совеста
1. Која е темата на посебниот собир за 2013 службена година, и која е целта на програмата?
1 Секој ден се соочуваме со ситуации што може да нѐ наведат да си ја погазиме совеста. Од таа причина, темата на посебниот собир за 2013 службена година, која почнува од 1 септември 2012 год., ќе биде „Чувај си ја совеста“ (1. Тим. 1:19). Целта на програмата е да ни помогне на сите нас длабоко да се преиспитаме како го користиме овој дар од нашиот Творец.
2. Кои важни прашања ќе бидат одговорени во текот на програмата?
2 Најди го одговорот на следниве прашања: Програмата ќе даде одговор на седум главни прашања во врска со нашата совест:
• Што е опасно за совеста?
• Како да ја изостриме нашата совест?
• Како да бидеме чисти од крвта на сите луѓе?
• Кога размислуваме и постапуваме во склад со библиските начела, што открива тоа за нас?
• Како да не им ја повредиме совеста на другите?
• Млади, како да не попуштите пред притисокот да направите компромис?
• Какви благослови добиваат оние што ја следат својата совест водена од духот?
3. Како може да ни користи програмата?
3 Со помош од Јехова можеме да ги издржиме обидите на Сатана да ја расипе нашата совест. Преку Божјата Реч и организација, нашиот небесен Татко ни вели: „Тоа е патот, одете по него“ (Иса. 30:21). Оваа програма е еден начин на кој Јехова нѐ води. Затоа, погрижи се да бидеш присутен на целата програма. Внимателно слушај и размислувај како можеш лично да ги примениш информациите. Разговарајте за програмата како семејство. Ако ги применуваме упатствата што ги добиваме, тоа ќе нѐ зајакне ‚да зачуваме чиста совест‘ и ќе ни помогне да не нѐ одвлечат моменталните задоволства што ги нуди Сатановиот свет (1. Пет. 3:16).