Предлози

Како да започнеме библиски студии првата сабота во септември

„Многу луѓе веруваат во ангели. Верувате ли и Вие? [Почекај да одговори.] Како духовни суштества, ангелите се многу моќни. Но, можат ли да ни помогнат? Од Библијата дознаваме како ангелите им помагаат на луѓето денес.“ Покажи му ја статијата на последната страница од Стражарска кула од 1 септември и разгледајте го заедно текстот под првото прашање и барем еден од наведените стихови. На крајот, понуди му ги двете списанија и договорете се кога да дојдеш пак за да го разгледате следното прашање.

Стражарска кула 1 септември

„Што мислите, дали луѓето ѝ нанесуваат непоправлива штета на нашата планета? [Почекај да одговори.] Иако луѓето не можат да ја надоместат штетата што ја предизвикале, Библијата нѐ уверува дека Бог може и сака да го направи тоа. [Прочитај Псалм 65:9.] Во ова списание може да прочитате што сѐ ќе направи Бог за Земјата и како можеме ние да ја доживееме таа прекрасна иднина. Би сакале ли да Ви го оставам?“

Разбудете се! септември

„Многу луѓе сметаат дека се преоптоварени на работа и не гледаат излез од нивната ситуација. Експертите велат дека преоптовареноста може да нѐ исцрпи и физички и емоционално. Што мислите, што може да ни помогне во врска со ова? [Почекај да одговори.] Би сакал да Ви прочитам една интересна мисла од Библијата. [Прочитај Проповедник 4:6.] Ова списание содржи четири практични чекори што можат да ни помогнат да одредиме што ни е најважно во животот и да се справиме со исцрпеноста како последица од работата.“