Како Творецот ни ги открива своите прекрасни ветувања

Уште од почетокот на човечката историја, нашиот Творец комуницирал со луѓето преку ангели и пророци. Освен тоа, тој одлучил неговата порака и ветувањата што ги дал да бидат запишани. Тие ветувања од Бог влијаат врз твојата иднина. Од каде можеш да дознаеш кои се овие ветувања?

Божјата порака за нас е запишана во Светото писмо (2. Тимотеј 3:16). Како Бог ги користел пророците за да ја запишат неговата порака? Тој им ги пренел своите мисли на писателите, а тие потоа ги запишале (2. Петрово 1:21). Да го објасниме тоа со еден пример. Ако еден директор му каже на својот секретар да напише порака во негово име, знаеме дека автор на пораката е директорот. Слично на тоа, иако Бог користел луѓе за да ја запишат неговата порака, тој е вистинскиот Автор на Светото писмо.

БОЖЈАТА РЕЧ ИМ Е ДОСТАПНА НА ГОЛЕМ БРОЈ ЛУЃЕ

Пораката од Бог е толку важна што тој сака сите луѓе да ја дознаат и да ја разберат. Денес, неговата „вечна добра вест“ им е достапна на луѓето од „секој народ и племе и јазик“ (Откровение 14:6). Бог се погрижил Светото писмо да биде достапно, во целост или делумно, на преку 3.000 јазици, што е многу повеќе од која и да било друга книга.