Стани повешт во службата — вешто користи ја JW.ORG

ЗОШТО Е ВАЖНО: Секоја од нашите главни публикации за служба ги упатува луѓето на jw.org. Всушност, главната цел на визит-картичката и на трактатот Каде има одговор на најважните прашања? е да ги упати луѓето на jw.org. Преку jw.org можеш да пратиш некому по имејл една од главните публикации за служба во електронски формат или линк до неа. Ова може да биде особено корисно кога сведочиш на некој кој зборува друг јазик. Освен тоа, понекогаш луѓето поставуваат прашања чиј одговор не се наоѓа во главните публикации за служба. Ако вешто ја користиме jw.org, ќе бидеме поделотворни во службата.

КАКО ДА ГО ПРАВИМЕ ТОА:

• 

  Користи го делот „БИБЛИСКИ УЧЕЊА“. Да речеме дека му сведочиш на родител кој сака да дознае нешто повеќе за воспитувањето на децата. Оди на БИБЛИСКИ УЧЕЊА > БРАК И СЕМЕЈСТВО.

• Користи го делот „ИЗДАНИЈА“. Да речеме дека сведочиш неформално на училиште и сакаш на некој соученик да му ја покажеш брошурата Младите прашуваат — 10 практични одговори. Оди на ИЗДАНИЈА > КНИГИ И БРОШУРИ.

• Користи го делот „ЗА НАС“. Да речеме дека му сведочиш на колега од работа кој сака да добие кратко објаснување за нашите верувања. Оди на ЗА НАС > НАЈЧЕСТО ПОСТАВУВАНИ ПРАШАЊА.

ГЛЕДАЈ ГО ВИДЕОКЛИПОТ ВЕШТО КОРИСТИ ЈА JW.ORG, А ПОТОА РАЗМИСЛИ КАДЕ БИ МОЖЕЛ ДА ОДИШ НА СТРАНИЦАТА ЗА ДА МУ ПОМОГНЕШ НА:

• некој што е атеист

• некој што неодамна доживеал трагедија

• некој неактивен брат или сестра

• некој што го посетуваш кој сака да дознае како се финансира нашето дело

• некој од друга земја кој сака да оди на состанок кога ќе се врати во својата земја