Како да се користат предлозите за разговор

Од јануари 2018 год., на насловната страница на Нашиот живот и служба — работни листови излегуваат предлози за разговор. Како може да ги користиме?

Кога изнесуваш задача: Треба да ги користиш прашањето и стихот, како и прашањето за следната посета кои се наведени во предлозите за разговор. Сепак, ова не значи дека треба да ги користиш истите зборови од видеоклипот поврзан со предлогот за разговор. Можеш да прикажеш друга ситуација, да користиш поинаков вовед и да ја образложиш темата на поинаков начин. Би можел да понудиш некоја од нашите главни публикации, дури и ако ова не е конкретно наведено во упатствата за таа задача.

Кога си во служба: Предлозите за разговор се наменети да ни дадат идеи како да им пристапуваме на луѓето. Ако некој покаже искрен интерес и сака да дознае нешто повеќе, би можел да го продолжиш разговорот така што ќе ги користиш мислите од предлогот за повторната посета. Можеш да го измениш предлогот за разговор или да користиш нешто сосема друго. Дали темата од претходниот месец или некој друг стих наидува на подобар одѕив на твоето подрачје? Дали луѓето во местото каде што живееш се позаинтересирани за некој тековен настан или нешто што го слушнале на вестите? Сеедно како ќе одлучиш да ги користиш предлозите за разговор, треба да имаш иста цел како апостол Павле, кој рекол: „Сѐ правам поради добрата вест, за да им ја проповедам на другите“ (1Ко 9:22, 23).