Биди решен да му останеш верен на Јехова

ЗОШТО Е ВАЖНО: Наскоро нѐ очекуваат страшни настани кои како никогаш порано ќе ни ги стават на испит храброста и довербата во Јехова. Големата неволја ќе започне со уништувањето на лажната религија (Мт 24:21; От 17:16, 17). Во текот на големата неволја, веројатно ќе објавуваме остра порака на осуда (От 16:21). Исто така, ќе се соочиме со нападот на Гог од Магог (Езе 38:10-12, 14-16). За да го заштити својот народ, Јехова ќе ја започне „војната која ќе се случи во големиот ден на Семоќниот Бог“ (От 16:14, 16). Ќе можеме храбро да се соочиме со тие идни настани ако уште сега му остануваме верни на Јехова кога имаме испити на верата.

КАКО ДА ГО ПРАВИМЕ ТОА:

• Храбро да ги браниме Јеховините високи морални мерила и да живееме според нив (Иса 5:20).

• Да продолжиме да му служиме на Јехова заедно со нашите соверници (Ев 10:24, 25).

• Спремно да го следиме водството од Јеховината организација (Ев 13:17).

• Да размислуваме како Јехова го спасувал својот народ во минатото (2Пе 2:9).

• Да се молиме и да имаме доверба во Јехова (Пс 112:7, 8).

ГЛЕДАЈ ГО ВИДЕОКЛИПОТ ИДНИ НАСТАНИ ЗА КОИ ЌЕ НИ БИДЕ ПОТРЕБНА ХРАБРОСТ — ИЗВАДОК, А ПОТОА ОДГОВОРИ ГИ СЛЕДНИВЕ ПРАШАЊА:

• 

  Како послушноста на објавителите беше ставена на испит кога нивното собрание се спои со други собранија?

• 

  Како се поврзани храброста и послушноста?

• 

  Зошто ќе ни биде потребна храброст во Армагедон?

• 

  Кој библиски извештај може да ни ја зајакне верата дека Јехова има моќ да нѐ спаси? (2Ле 20:1-24).