Млади, дали Јехова ви е најдобар пријател?

Кои особини би сакал да ги имаат оние што ги избираш за свои пријатели? Веројатно би сакал да бидат верни, обѕирни и дарежливи. Јехова ги има сите овие особини (2Мо 34:6; Де 14:17). Тој те слуша кога му се молиш. Ти помага секогаш кога имаш потреба од помош (Пс 18:19, 35). Ти простува кога ќе згрешиш (1Јо 1:9). Јехова навистина е најдобриот пријател!

Како можеш да му бидеш пријател на Јехова? Запознај го подобро така што ќе ја читаш неговата Реч. Зборувај со него за своите најдлабоки мисли и чувства (Пс 62:8; 142:2). Покажи му на Јехова дека ти се важни оние работи што му се важни нему — неговиот Син, неговото Царство и ветувањата што ни ги дал за иднината. Кажувај им на другите за Јехова (5Мо 32:3). Ако го зајакнуваш пријателството со него, тој ќе ти биде пријател засекогаш (Пс 73:25, 26, 28).

ГЛЕДАЈ ГО ВИДЕОКЛИПОТ МЛАДИ, „ВКУСЕТЕ И ВИДЕТЕ КОЛКУ Е ДОБАР ЈЕХОВА“, А ПОТОА ОДГОВОРИ ГИ СЛЕДНИВЕ ПРАШАЊА:

• 

  Што може да ти помогне да му го заветуваш животот на Јехова и да се крстиш?

• 

  Како можат другите во собранието да ти помогнат да му служиш на Јехова?

• 

  Како службата на проповедање ти помага да станеш поблизок со него?

• 

  Кои можности во службата за Јехова ти стојат на располагање?

• Кои особини ти се допаѓаат кај Бог?