ДА ЖИВЕЕМЕ КАКО ХРИСТИЈАНИ
Поуки од животот на Самоил
Самоил му бил верен на Јехова целиот свој живот. Кога бил дете, тој не се повел по лошиот пример на Офни и Финес, кои му биле синови на Илиј (1Са 2:22-26). Додека Самоил растел, Јехова бил со него (1Са 3:19). Кога остарел, тој продолжил да му служи верно на Јехова, иако неговите синови не го следеле неговиот пример (1Са 8:1-5).
Што може да научиме од примерот на Самоил? Ако си млада личност, биди уверен дека Јехова добро знае со кои предизвици се соочуваш и како се чувствуваш. Тој може да ти помогне да бидеш храбар (Иса 41:10, 13). Ако си родител и твоето дете повеќе не му служи на Јехова, можеби ќе те утеши тоа што ќе размислуваш за примерот на Самоил. Тој не можел сосила да ги натера своите возрасни синови да живеат според Јеховините мерила. Ги оставил работите во Јеховини раце, и продолжил верно да му служи на својот небесен Татко и да го радува. Можеби твојот добар пример ќе го поттикне твоето дете да се врати кај Јехова.
ГЛЕДАЈ ГО ВИДЕОКЛИПОТ ШТО УЧИМЕ ОД НИВ — САМОИЛ, А ПОТОА ОДГОВОРИ ГИ СЛЕДНИВЕ ПРАШАЊА:
Како Самоил покажал храброст додека бил дете?
Како Дени покажа храброст?
Во кој поглед Самоил оставил добар пример кога бил во поодминати години?
Јехова ги поддржува оние што заземаат цврст став за она што е исправно
Како родителите на Дени оставија добар пример?