ДА ЖИВЕЕМЕ КАКО ХРИСТИЈАНИ

Дали си подготвен за економска криза?

Ние не сме изненадени ако, поради светските настани, дојде до економска нестабилност во светот. Зошто? Затоа што живееме на крајот од последните денови и Библијата нѐ предупредува да не се потпираме на „несигурното богатство“ (1Ти 6:17; 2Ти 3:1). Што можеме да научиме од примерот на цар Јосафат во врска со тоа како да се подготвиме за економска криза?

Кога му се заканувала опасност од непријателска војска, Јосафат имал доверба во Јехова (2Ле 20:9-12). Исто така, тој однапред презел практични чекори за да го подготви народот така што утврдил градови и поставил чети по земјата (2Ле 17:1, 2, 12, 13). Исто како Јосафат, добро е да имаме доверба во Јехова и да се подготвиме за тешки времиња.

КАКО МОЖЕМЕ ДА СЕ ПОДГОТВИМЕ ЗА ЕКОНОМСКА КРИЗА?

Подготви се во духовен поглед: Научи да бидеш задоволен со она што го имаш и зајакни си ја довербата дека Јехова има моќ да се грижи за твоите секојдневни потреби (Мт 6:26; 1Ти 6:8). Биди решен никогаш да не ги прекршиш библиските начела само за да ги задоволиш таквите потреби (Ри 2:21). Размисли како би можел да продолжиш духовно да се храниш во случај да нема електрична енергија или интернет. Чувај си одредени публикации во печатен облик и, ако е можно, нека ти бидат преземени потребните електронски публикации.

Подготви се во материјален поглед: Намали си ги долговите и избегнувај непотребно да трошиш пред да дојде до економска криза (Из 22:7). Ако е можно, направи си разумна залиха од храна и други неопходни работи. За да заштедат пари, некои можеби ќе одлучат да одгледуваат зеленчук.

ГЛЕДАЈ ГО ВИДЕОКЛИПОТ ДАЛИ СИ ПОДГОТВЕН ВО СЛУЧАЈ НА КАТАСТРОФА?, А ПОТОА ОДГОВОРИ ГИ СЛЕДНИВЕ ПРАШАЊА:

Сцена од видеоклипот „Дали си подготвен во случај на катастрофа?“ Слики на кои се прикажани Библија, ранец за итни случаи, мобилен телефон и луѓе кои работат на градежен проект.

Што може да направи секој од нас лично за да биде подготвен за катастрофа?

Твојот одговор

Сцена од видеоклипот „Дали си подготвен во случај на катастрофа?“ Браќа учествуваат во акција за помош при катастрофи така што работат на изградба на еден објект и истовараат материјали од еден камион.

Како може да бидеме подготвени за да им помогнеме на другите?

Твојот одговор