До родителите

Кој е најубавиот подарок што можете да им го дадете на своите деца? Потребни им се многу работи, како што се вашата љубов, совети и заштита. Но, најскапоцениот подарок што можете да им го дадете е да ги поучите за Јехова и за вистините од неговата Реч, Библијата (Јован 17:3). Тоа може да им помогне да го засакаат Јехова и да му служат со цело срце уште од мали нозе (Матеј 21:16).

Многу родители увиделе дека малите деца најлесно учат преку кратки поуки и игри. Затоа сме радосни што ја имаме оваа сликовница Учам од Библијата. Од секоја песничка може на едноставен начин да се научи нешто. Сликите и текстот се наменети посебно за деца до три години. Дадени се и предлози како може да се учи низ игра. Оваа сликовница не треба да служи како играчка. Родителите треба да ја читаат заедно со своите деца. Така ќе се подобри и комуникацијата меѓу нив.

Уверени сме дека оваа сликовница ќе ви помогне да ги поучувате своите деца за библиската вистина уште „од рано детство“ (2. Тимотеј 3:14, 15).

Вашите браќа,

Водечко тело на Јеховините сведоци

[Слика на страница 3]

Лекција 1

Откровение 4:11

Кој ја создал Земјата?

Кој ги создал морињата

и сѐ што е во нив?

Кој нѐ создал мене,

тебе и секој што е жив?

Кој ја создал пеперутката

што лета од цвет на цвет?

Јехова создал сѐ на овој убав свет!

УЧИМЕ НИЗ ИГРА

Прочитај му на детето:

Откровение 4:11

Детето нека покаже каде се:

ѕвездите топката сонцето

бротчето рибата куќата

морето пеперутката

Прашај го детето:

Како се вика Бог?

Каде живее Јехова?

Што создал тој?

[Слика на страници 4 и 5]

Лекција 2

1. Мојсеева 7:7-10; 8:15-17

Види колку животни!

Има кутре, крава и лав.

Кое прави мууу а кое ав-ав?

Секое животно што во арката на Ное се скрило

од Потопот спасено било.

УЧИМЕ НИЗ ИГРА

Прочитај му на детето:

1. Мојсеева 7:7⁠-10; 8:15⁠-17

Детето нека покаже каде има:

мечка куче слон

жирафа лав мајмун

прасе овца птица

зебра виножито

Детето нека покаже како прави:

кучето кравата мајмунот

прасето овцата

[Слика на страници 6 и 7]

Лекција 3

1. Петрово 3:8

Иван кај Марко се јави за да праша што прави.

Кога дозна дека си скршил рака му напиша вака:

„Марко, ти посакувам да оздравиш скоро

за да си играме заедно во дворот!“

Поука: Ако си добар со другарчето,

и двајцата ќе бидете радосни!

УЧИМЕ НИЗ ИГРА

Прочитај му на детето:

1. Петрово 3:8

Детето нека покаже каде е:

куќата масата Иван

сонцето птицата дрвото

Спомни му на детето некој што е болен

и размислете што може да направите за него.

[Слика на страница 8]

[Слика на страница 8]

[Слика на страница 9]

[Слика на страница 9]

Лекција 4

Дела 14:17

Мони чека и си мисли:

„До кога дома ќе седам?

Сакам надвор да си играм

а не дождот да го гледам.“

Тогаш сонцето блесна!

Мони низ вратата летна

и брзо се најде во градината цветна.

Колку многу цвеќенца со убави бои!

И едно вирче вода околу нив стои.

Мони рече: „О! Со дождот што паѓа

Бог прави земјата цвеќенца да раѓа!“

УЧИМЕ НИЗ ИГРА

Прочитај му на детето:

Дела 14:17

Детето нека покаже каде се:

дрвото птицата Мони

прозорецот цвеќињата

Каде се кријат:

бубамарата авиончето

Прашај го детето:

Зошто Јехова го создал дождот?

[Слика на страница 10]

[Слика на страница 10]

[Слика на страница 11]

Лекција 5

1. Солуњаните 5:18

Кога добиваш подарок од кого и да било, насмевни се, ќе му биде многу мило!

И дома и надвор едно правило важи: кога за тебе нешто прават „благодарам“ кажи!

УЧИМЕ НИЗ ИГРА

Прочитај му на детето:

1. Солуњаните 5:18

Детето нека покаже каде е:

подарокот детето

вратата јадењето

Каде се кријат:

јаболкото телефонот

Прашај го детето:

Зошто треба да кажеш „благодарам“?

[Слика на страница 12]

[Слика на страница 13]

[Слика на страница 13]

[Слика на страница 13]

Лекција 6

Псалм 139:14

Допри си го носето, а потоа ушињата.

Мавни со рачињата и мрдни со прстињата.

Погледни ги ножињата. Тие трчаат, скокаат, одат

и каде ќе им кажеш таму ќе те водат!

А сега да те прашам: Кој те создал така?

Се знае, Јехова, кој многу те сака.

УЧИМЕ НИЗ ИГРА

Прочитај му на детето:

Псалм 139:14

Детето нека покаже каде му се:

прстите носот рацете

ушите устата

Каде се кријат:

ракот мачката

Прашај го детето:

Кој те создал тебе? Кој ме создал мене?

[Слика на страница 14]

[Слика на страница 15]

[Слика на страница 15]

[Слика на страница 16]