Песна 138

Оди со Бог!

(Михеј 6:8)

1. Со Бог во скромност одиме,

со искреност во сѐ.

Беспрекорност да чуваме,

за сила молиме.

И цврсти сме во вистина,

од зла одвоени;

нас Бог нѐ води секогаш

ко деца понизни.

2. Со Бог во светост одиме,

од гревот бегаме.

Кон зрелост напредуваме

одобрени да сме.

Сѐ што е добро, праведно

и чисто, невино,

на тоа само мислиме,

и чекаме на Бог.

3. Со Бог во верност одиме

и ќе постигнеме

задоволство и побожност,

што вреден посед е.

Ти служи сега радосно

и Бог прослави го.

Ни носи радост голема

да одиме со Бог.