Прв дел
Дали Бог се грижи за нас?
1, 2. Кое прашање за Бог си го поставуваат луѓето, и зошто?
НЕКОГАШ во животот можеби си се прашал: ‚Ако постои Бог кој навистина се грижи за нас, тогаш зошто дозволува луѓето толку да страдаат?‘ Сите ние сме страдале од нешто или за нешто, или, пак, познаваме некој друг што бил во таква ситуација.
2 Навистина, луѓето низ историјата честопати доживеале болка и тага поради војни, насилства, злосторства, неправди, сиромаштија, болести и смрт на некој близок. Само во 20-тиот век, војните однесоа преку 100 милиони животи. Стотици милиони други беа ранети или го изгубија својот дом или имот. Во нашево време се случија толку многу ужасни работи што безброј луѓе се завија во црно, пролеаја многу солзи и изгубија секаква надеж.
3, 4. Што мислат мнозина за тоа што Бог дозволува да страдаме?
3 Некои се огорчени и мислат дека, ако постои Бог, нему всушност не му е грижа за нас! Други, пак, дури сметаат дека Бог воопшто не постои. На пример, еден човек кој, во Првата светска војна, доживеал етничко прогонство во кое биле убиени некои негови пријатели и роднини, прашал: „Каде беше Бог кога најмногу ни требаше?“ Друг, пак, кој го преживеал колежот на милиони луѓе од страна на нацистите во Втората светска војна, толку го погодило страдањето кое го видел што изјавил: „Кога би можеле да го лизнете моето срце, би се отруле“.
4 Од слични причини, многу луѓе не можат да сфатат зошто еден добар Бог би дозволил да се случуваат лоши работи. Тие се прашуваат дали тој навистина е заинтересиран за нас, а некогаш помислуваат и дека воопшто не постои. Освен тоа, мнозина од нив сметаат дека страдањето секогаш ќе биде дел од животот.
[Слика на страници 2 и 3]
Дали е на повидок нов свет без страдања?