Илүү чадварлаг дэлгэрүүлэх нь—Оршил үг бэлдэх
Яагаад чухал бэ? Оршил үг сонирхол татахуйц биш бол айлын хүн яриаг маань сонсохгүй. Ингэвэл дэлгэрүүлж чадахгүйд хүрнэ. Тийм учраас олон дэлгэрүүлэгч оршил үгийнхээ эхний үгийг анхаарахыг чухалд үздэг. «Христиан үйлчлэл»-д оршил үгийн жишээг нийтэлдэг. Гэхдээ хэлэх үгийг тань дандаа нэгд нэгэнгүй бичдэггүй учир өөрийн үгээр болгох боломж олгодог. Оршил үгийн жишээнд хэлэх үгийг бүгдийг нь бичсэн байлаа ч дэлгэрүүлэгч өөрийнхөө үгээр болгож өөрчлөх юм уу өөрөө оршил үг зохиож болно. Оршил үгээ ийнхүү сайтар бэлдсэн байвал айлын хүнийг хаалгаа тайлахад санаандаа орсныг шууд хэлснээс илүү үр дүнтэй байна (Сур. 15:28).
Энэ сард үүнийг оролдож үзээрэй.
Гэр бүлийн хичээлээрээ оршил үг бэлдэж дасгал хийгээрэй.
Дэлгэрүүлэх ажилд явж байхдаа ямар оршил үг хэлэхээ хамт яваа дэлгэрүүлэгчдээ хэлээрэй (Сур. 27:17). Үр дүнгүй бол оршил үгээ өөрчлөөрэй.