Чадварлаг заая гэвэл бэлдээрэй

Мөнх амийг өвлөж авахын тулд яах ёстой вэ гэж Есүсээс хоёр ч удаа асуудаг. Есүс тухайн хоёр хүний аль алиных нь хэрэгцээнд тохируулж хариулсан (Лук 10:25–28; 18:18–20). Тэгэхлээр Библи судлах материалаа сайн мэддэг байлаа ч гэсэн, суралцагчийнхаа тухай бодон сайтар бэлдэх хэрэгтэй. Ямар санааг суралцагч тань ойлгохгүй эсвэл хүлээж авч чадахгүй байж магадгүй вэ? Дурдсан Библийн зүйлүүдээс алийг нь хамт унших вэ? Нэг удаа хэдэн догол мөр үзэх вэ? Тохиромжтой жишээ, тайлбар эсвэл ойлгуулахад тустай хэд хэдэн асуулт бэлдэж болно. Түүнчлэн хүний зүрх сэтгэлд суулгасан үнэний үрийг Ехова ургуулдаг гэдгийг санаарай. Тийм болохоор хичээлд бэлдэхэд маань тусалж, суралцагчийг маань ивээж, бас ахиц дэвшил гаргахад нь туслаач гэж Еховад залбирах хэрэгтэй (1 Кор. 3:6; Иак. 1:5).