БУРХНЫ ҮЙЛЧЛЭГЧИЙН ЁСООР АМЬДРАХ НЬ
«Үүрд жаргалтай амьдраарай!» номын онцлогууд
«Үүрд жаргалтай амьдраарай!» номд олон видео, үзэл бодлыг мэдэхэд тустай асуултууд, «Зарим хүн», «Зорилт», «Мэдлэгээ тэлье» гэсэн булангууд бий. Та эдгээрийг ашиглах дуртай юу? Шавь бэлдэх ажилд тустай өөр ямар онцлог хэсгүүд байгаа вэ? (Мт 28:19, 20).
Материал: Та хэвлэмэл номоор хичээл заах дуртай бол видео болон бусад материалыг нэг дороос хэрхэн олох вэ? Цахим хувилбарыг нээгээд дөрвөн хэсгээс нэгийг нь сонгоорой. Хичээлүүдийн доор тухайн хэсэгт үзэх бүх материал байгаа (зураг 1-ийг үзээрэй).
«Хэвлэмэл» тохиргоо: Хэрэв та гар утас, таблетаасаа хараад хичээл хийдэг бол заримдаа «Хэвлэмэл» тохиргоо сонгоод харах нь тустай байж болох юм. Дэлгэцийн баруун дээд талд байгаа гурван цэг дээр дараад «Хэвлэмэл» гэдгийг сонгоорой. Ингэвэл одоо ярилцаж байгаа зүйл тус хичээлийн гол санаатай ямар холбоотойг ойлгоход тустай. Буцаад цахим хувилбарыг харъя гэвэл дахиад гурван цэг дээр дараад «Текст»-ийг сонгоорой.
«Би бэлэн үү?»: Номын төгсгөл хавьд байгаа энэ хавсралтад хурлынхантайгаа дэлгэрүүлэх болон баптисм хүртэхэд хангах ёстой шаардлагуудыг жагсаасан байгаа (зураг 2-ыг үзээрэй).
Тайлбар: Энэ хэсэгт зарим чухал сэдвээр тайлбар байгаа. Цахим хувилбарын тайлбар бүрийн сүүлд байгаа линк дээр дарвал үзэж байсан хичээл рүүгээ буцах боломжтой (зураг 2-ыг үзээрэй).
Суралцагч ахиц дэвшил гаргаад баптисм хүртсэн ч «Үүрд жаргалтай амьдраарай!» номоо дуустал нь үзээрэй. Суралцагч тань баптисм хүртсэн ч хичээл, давтан уулзалт, цагаа тайландаа оруулаарай. Хичээлд хамт суусан дэлгэрүүлэгч ч цагаа тооцож болно.