«Холбоотой Библийн зүйл» ач тустай

Англи юм уу өөр хэлээр гарсан Библийн «Шинэ ертөнц» орчуулгад «Холбоотой Библийн зүйл» гэж бий. Энэ нь Библийн номууд өөр хоорондоо уялдаа холбоотойг илүү сайн ойлгуулдаг. Холбоотой зүйлийг хэрхэн олох вэ? Тухайн үгийн ард, дээхэн талд нь жижиг үсэг тавьсан. Хэвлэмэл Библид уг үсгийг холбоотой зүйлтэй нь голын баганад бичсэн. Харин jw.org сайт болон «JW Library^®» апп-аас Библи уншихдаа тухайн үсгэн дээр дарвал холбоотой зүйл гарч ирнэ.

Холбоотой Библийн зүйл хэд хэдэн янз. Тухайлбал:

Тухайн үйл явдал. Тухайн үйл явдал Библийн өөр хаана гардгийг харуулдаг. Жишээ нь, 2 Самуел 24:1 болон Шастирын дээд 21:1-ийг үзээрэй.

Эш татсан зүйл. Тухайн зүйлийг Библийн хаанаас эш татсаныг харуулдаг. Жишээ нь, Матай 4:4 болон Дэд хууль 8:3-ыг үзээрэй.

Биелсэн зөгнөл. Зөгнөл болон биеллийг Библийн хаана бичсэнийг харуулдаг. Жишээ нь, Матай 21:5 болон Зехариа 9:9-ийг үзээрэй.