Onowubuwela?

Wahapwasedha wawileri a Namasugwera a yaka ela? Kabe noone akala onowanda wawakula makoho enaharela:

‘Osaddula mubuwelo’ wehu enatapulela ddi? (Romanos 12:2)

Iyo kannahowela okanna mubuwelo mmodhave mudhidhi wamutene, ndhithu nnadhiweliwihu werana. Nnohowela opendda murima wehu, ni dhowera dhehu ni wawerana masadduwo enahoweleya wihina nimuhagalase Yehova. — Namasugwera 01/23 epaddi 8-9.

Nimakalelo baani nnahowelihu okala pasope noonaga dhithu dhinapadduwa mwilaboni?

Nimakalelo apama, nipwasedhe woona dhopadduwa dha mwilaboni dhinakwanelihiwa dhovuhulela dha mBibiliyani, mbwenye ohiya owoga dhithu nahinonilihu pama, dhatotele ohiwanana mmulogoni. Nnohowela okala mento ni muselu dhinavuwihiwa musayitini mwehu. (1 Cor. 1:10) — Namasugwera 02/23 epaddi 16.

Obaddiziwa wa Yesu ni wa anamahara aye wihiyanne ni makalelo baani?

Oliye kahowela wivelela wa Yehova, mwaha aabaliwe nlogo nivelele wa Mulugu, Oliye kahowela othwaruwa wodhela dhothega, mwaha oliye aali muthu oologomana ni kanna dhothega. — Namasugwera 03/23 epaddi 5.

Nnere ddi wihina athu amodha evahe dhowakula dhewa?

Makalelo oobajha fuvaha dhowakula dhokwiva, ndo athu amodha enere okanna ofuru wowakula. Mudhidhi wavahaga dhowakula dhokwiva, kusorihe ponto dhowinjhiva mudhidhi mmodhave. Wakula ddima yatene, athu amodha kinande ovaha dhowakula dhewa. — Namasugwera 04/23 epaddi 23.

Dila Yoweela enasorihiwa va Isaías 35:8 enagiwana ddi?

Yagiwana dila, maJudewu yaalabihedhiliwa wihina ekume muudharini oBabiloniya wihina ehogolowele wIzarayeli. Ki dila ela enatapulela ddi wa iyovano peeno? Yakadhene mundduli yahinafiye yaka ya 1919, wegeredhiwa dila yavolowelavo opidiwa wa mulivuru, otapulela ni dhithu dhimodha. Nlogo na Mulugu ninna weedda “Dila Yoweela.” Mwaha eyo enere onikavihera ovanene ni osogolo wawakela mareeliho enaadhena Omwene wa Mulugu. — Namasugwera 05/23 epaddi 15-19.

Ahiyana abiili enawogiwa va Provérbios kapitulu 9 enagiwana aani?

Livuru na Provérbios nnowoga wodhela muhiyana ali taduwa anamwerana konviti onathukulela omahame ni muhiyana mmodhaya anatonyihedha thotho yeebaribari anamwerana konvite anathukulela dila yathotho ni ya egumi. (Pro. 9:1, 6, 13, 18) — Namasugwera 06/23 epaddi 22-24.

Nimakalelo baani Yehova oonihiliye wi dowiyeviha ni dokweya mudhidhi amweddihaga Lo?

Yehova owoga ni Lo wihina athawele omwangoni. Vano Lo oloba wihina oliye vamodha ni emudhaye ethawele oZowar, mbwenye Yehova orumedha moonelo wa Lo. — Namasugwera 07/23 epaddi 21.

Ahiyana eteliwe enere ddi akala mamuniwa anomoona pornografiya?

Muhiyana ooteliwa podi wubuwelaga wihina mamune anamoona pornografiya, mwaha wi oliye ohumwerela ethu yabure. Mbwenye oliye anohowela odidela olibiha wandana waye ni Yehova, ni opendda dhopadduwa dha mBibiliyani dha ahiyana yaafwanyiwe makathamiho ookala oothuwathuwene, mbwenye yaatodoliwe mwaha olobela wa Yehova. Oliye podi omukavihera mamune orabela okala mburo wamuthukulele omoona pornografiya. — Namasugwera 08/23 epaddi 14-17.

Ddiniyani enanikavihera onona makalelo owawakula athu enanikoha wodhela dhithu nnarumedhihu?

Ohiya wonelamo nikoho na muthu ole ninga makalelo ooniliga, yere okala yapama iyo woona nikoho nne ninga ofuru woonona ethu anafuniye wonelamo. Nerana ndo, nnere wanda omwakula ni makalelo oopwaseya ni apama. — Namasugwera 09/23 epaddi 17.

Ethu baani nnahudherihu ni Mariya wodhela oloba nikavihero?

Nunona wi eere ombala mwana aakale Mesiya, Mariya ahisayela nikavihero naathu amodha Gabiriyeli ni Elizabeti yahimulibiha ni dholebela dha mBibiliyani. Ndala ninga Mariya, ni weya podi ovahiwa kopolo naale enamwebedha Yehova. — Namasugwera 10/23 epaddi 15.

Yehova anopaganya wihina anere wavuruwana malobelo ehu ni makalelo baani?

Yehova anopaganya wihina anere wavuruwana malobelo ehu ni anowubuwela makalelo dhooloba dhehu dhiniwananiwa ni efunelo yaye. Jer. 29:12 Yehova podi wawakula malobelo ooligana mwamakalelo oohiyana. Mbwenye Oliye anonipaganya wihina anerege onikavihera. — Namasugwera 11/23 epaddi 21-22.

Romanos 5:2 anawoga wodhela ‘ejhehedhelo.’ Ki mwahaya bwaddi versu 4 egahogolowela owoga wodhela ‘ejhehedhelo?’

Mwaha wiwa muthenga dhapama muthu podi okanna ejhehedhelo yokalawo ni mukalakala mwilaboni yavati. Mbwenye afwanyiwa makathamiho ni aanda wavilelana ni oonelamo wihina onorumedhiwa vamentoni va Yehova, ejhehedhelo yaye enothabwa oliba ni enakala yathima mwigumini mwaye. — Namasugwera 12/23 epaddi 12-13.