Oleba dezenyu winokavihera ohidduwala

We podi woonaga ninga ethu yorusa wubuwela dhithu dhatedhene onahudheriwe. Eyo enopadduwa ni athu owinjhiva, mbwenye ohoona wi sokweya wubuwela dholaddaniha awogesa Yesu? Nubuwela dholaddaniha dha, kannaddiwala dhithu nnahudherihu ni dholaddaniha awogesiye. Ni makalelo mamodhave enere okala yookweya ohidduwala dhithu nihudherihu nasugwaga dezenyu. Ddiniyani enaanikavihere ohidduwala dhithu nnahudherihu? Fuudhela oleba dezenyu!

Athu enaleba dezenyu wodhela dhithu ehudheriwa, enowubuwelesa pamadhene yahudheraga muselu muxa. Oleba dezenyu enonikavihera wonelamo pamadhene mubuweloya obe ethuya enahoweleya. Teto kinathabwa ohoweleya opwasedha oleba pama dezenyuya. Oleba dezenyu enothabwa wakavihera thabwathabwa anakalaba ohidduwala ele enahudheriwa.

Labo onafuniwe ohudhera kaxixa oleba mwana dezenyu wodhela dhithu ohudheriwe. Onere otikina mwaha wa dhithu dhowinjhiva onafuniwe wubuwela!