B1
Muthenga onafwanyeya mBibiliyani
Yehova ohukanna oneeti wothonga. Makalelo aaye oothonga bapama. Efunelo anniyena ni elabo yavati eneere wakwanela.
Nuuvira yaka ya 4026 M.W.O. “Nowa eraajhi” enowoga wihina Yehova kananda othonga. Yehova onopaganya wiita “odhuulu,” obe “bewu,” yeyo omakuthulowa enamunyenye Saddana. (Wambela 3:1-5, 15, nota) Mbwenye Yehova, wahiyedha athu mudhidhi wihina ethonganege vikaleliwa esogoleliwaga ni nowa eraajhi. |
1943 M.W.O. Yehova onowoga ni Abarawu wihina “odhuulu” ole wapaganyiwe wadheele nihimo naye. — Wambela 22:18. |
Nuuvira yaka ya 1070 M.W.O. Yehova onompaganya Mwene Davidi teto vasogolova mwanaye Salomawu wihina “odhuulu” wadheele nihimo naye. — 2 Samuweli 7:12, 16; 1 Mamwene 9:3-5; Izayiya 9:6, 7. |
29 M.W. Yehova onoomutonya Yesu wihina “fuudhuulu” wapaganyiwe ni wihina daahale athongaga vampaddoni va Davidi. — Gaalata 3:16; Lukaji 1:31-33; 3:21, 22. |
33 M.W. Nowa eraajhi, Saddana, onooporosa ddoddobwa ya “odhuulu” wapaganyiwe wodhela okwa wa Yesu. Yehova ononvenyiha Yesu wihina akale odhulu ni onorumedha mukutho waye wologomana oonihaga wihina wodhela mukutho oyo enowandeya oleveleliwa dhoothega ni wihina odhuulu wa Abarawu okanne egumi yamukalakala. — Wambela 3:15; Dhowera Dhaarumiwi 2:32-36; 1 Korintiyu 15:21, 22. |
Yaka ya 1914 M.W. obe yaddamelaga Yesu onovokedha nowa eraajhi ali Saddana elabo yavati anvahaga mwana mudhidhi mung’onove wihina akale elabo yavati. — Ovuhulela 12:7-9, 12. |
Osogolo Yesu onommaga Saddana muwari mwa yaka 1000 vasogolova onomutolosa, eyo enakalege ninga onyenya musolo waye. Efunelo Yehova anniyena ni elabo yavati enowakwanela, ndina naye nnotxenihiwa teto makalelo aye oothonga enowoneya wihina bili apamaya. — Ovuhulela 20:1-3, 10; 21:3, 4. |