OHUDHERA 21

Madhu owi Beteli entapulela ddi?

Anamona a Yehova abili yaparaga mabasa Departamento ya dezenyu Obeteli — Departamento ya dezenyu yo EUA

Namona a Yehova aaparaga mabasa owapida malivuru Beteli yo Alemanha — Alemanha

Namona a Yehova afulaga dhowara dha Obeteli yo Quênia — Quênia

Addibila ekaviheraga wegeredha vameesa Beteli yo Colômbia — Colômbia

Beteli ndina na Ebarayiku nnatapulela “nyumba ya Mulugu”. (Génesis 28:17, 19, nota) Ndina nna nnofwanelela ovahiwa nyumba dhendha dhinamagiwa ni Anamona a Yehova elabo yatene mwaha munokavihera wegeredha mabasa olaleya. ikuru Nolamulela nnakala osede enlubale ya Anamona a Yehova yo Estado de Nova York, EUA, wengo aliwa weddihaga mabasa a Beteli dhowinjhiva elabo dhohiyana-iyana. Athu enalaba wongo enakala ninga amudhi, enakala vamodha, enajha vamodha, enalaba vamodha, enamuhudhera Bibliya vamodha. Bumwahaya edhe enoniwege ninga ‘emudhi yo Beteli’. — Salmos 133:1.

Mburo wavayekiwa athu atene owivelelave enakala ninga amudhi. Alobwana ni ahiyana enalaba Beteli dhatedhene ehiivelela werana efunelo ya Mulugu ni okavihera Omwene waye mudhidhi watene. (Mateus 6:33) Kavo analiviwa korowa, mbwenye atene enovahiwa voogona, yojha, enokaviheriwa ni ndhe dhinahalela. Kadda muthu anothomeliwa vego vowapara mabasa podi okala: oxkiritoriyu, omapiyelo. Amodha enowapara mabasa winapidiwa malivuru, winafuliwa dhowara, amodha enowomihedha karo, amodha enowomihedha dhithu dhoogujhuwa ndhithu dhimodha.

Mburo onapariwa mabasa owinjhiva enakavihera mabasa olaleya Omwene. Yoluba ya kadda Beteli fuwanoniha athu owinjhiva ebaribari ya mBibliyani. Ebaribariya nnona ni buruxura nna. Wihina nlebiwe buruxura nna nsogolele thi Nikuru Nolamulela, vano ovahedhiwa makuru otapulela a elabo yatene yavati, opidiwa ni makina othamaga pamadhene Obeteli dhowinjhiva, numala ogaweliwaga mulogo dhowakwana 110 000. Mabasa atene enapariwa oBeteli wi nikume livuru thi livuru, enokavihera mabasa athima eli: olaleya muthenga dhapama. — Marcos 13:10.

Anakavihera Obeteli baani, ni enakaviheriwa addi?
Kadda Beteli enakavihera mabasa baavi owaguveya?