We ononamo addi osongolo?

BIBLIYA ANAWOGA EGI INA

“Mulugu . . . anere wavuda mitoridhiwa dhatedhene mwintonimwiwa, kavindha vikala okwa, kutho, wibulela naari widdela. Dhego dhamunduli dhovira.”​—Revelação 21:3, 4, Tradução do Novo Mundo.

NDHANDHA DHINTHAPULELADDI MWAWE

We onodha . . .

okalena mabasa otapuleleya ni ohagalaliha.​—Isaías 65:21-23.

okale mwilaboni muhinakale dhiredda ne goyi.​—Isaías 25:8; 33:24.

okalena egumi yohagalala yohimala vamodha ni amudhawo nakwawo.​—Salmo 37:11, 29.

NIFWANELE MWIBARIBARENE NRUMELEGE BIBLIYA ANAWOGEYE?

Ehe, vamwaha minli:

• Mulugu okalana kopolo dhowi akwanelihe mpaganyuaye. Mbibliyani, Jeova Mulugu bahi dinithaniwa “Wakopolo dhatedhene,” mwahaya kopolo dhaye kadhinna makuthulo. (Revelação 15:3) Mwadhendha oliye okalana kopolo dhowakwaneliha mpaganyuaye yosaddula elabwela wi ekale mburo wapama. Ninga Bibliya anawogeye, “mwa Mulugu dhatedhene dhiri dhowenyeya.”​—Mateus 19:26.

• Mulugu okalana efunelo yowakwaneliha mpaganyuaye. Moliganiha, Jeova okalana “munukwela” wahogolosela egumiwa wathu ekwile.​—Jó 14: 14, 15.

  Bibliya onowonihave wi Mwaana Mulugu, Yesu, anayiliha aredda. Yesu ereleddi mowindho? Mwahaya anafuna wi erena dhendha. (Marcos 1:40, 41) Yesu anoneyiha mologomana makalelo a Babe mwa efunelo yowakavihera athu yonagoyi.​—João 14:9.

  Mowindala iyo nikanna ebaribari wi Jeova ni Yesu ennafuna enikavihere wi nikanne osongolo wohagalala!​—Salmo 72:12-14; 145:16; 2 Pedro 3:9.