‘Mudidele wubuwela dhithu dhendha’

Dhithu baani? Filipenses 4:8 enre ndidele wubuwela dhithu dhatedhene dhiri dhohoweleya, dhiri dhowogowa, dhiri dhoweela, dhiri dhodhivela, ni dhatedhene dhinawogiwa pama. Makiristawu kinahoweleya wawubuwelaga madhu a Mulugu baahi. Enafuneya sowihina ndhe nnubuwelehu dhimuhagalasege Jeova ni dhihikwerebeyihe efunelo yehu yomulabela nuroromeleya.—Sal 19:14.

Orabela dhowubuwela dhabure kahi ethu yokweya. Enohoweleya owana koddo ni mwiili wehu wohilogomana, thabwa-thabwa ni Sathana, ‘mulugu a malabo yala’. (2Co 4:4) Sathana dhinasugwera dhithu nnawogihuna, bumwahaya dhithu dhinonihiwa mu tv, muradiyoni, mwinternetini, mmarevistani ni mmajornaleni dhipigidhaga mubuwelo. Pole-pole ndhithu nnavuruwanihu obe nnonihu, mwaha dhinosaddula dhowubuwela dhehu ni dhowera dhehu.—Tg 1:14, 15.

OSUGWE VIDIYU DHITHU DHINAKWEREBEYIHA OROROMELEYA—YAREDHELO YABURE, WAMALA WAWAKULE MAKOHO ALA:

• 

  Ddibila ole asugwa ddi mutelefonini ni epadduwe ddi?

• 

  Yolebela ya Gálatas 6:7, 8 ni ya Salmos 119:37 dhimukavihere avi?