Noonihe odhivela wehu mwaha okavihera, Yehova amusinyusa muthu

Otxosiwa winobarela mulogo ni winowasinyusa ale enerana dhithu dhabure mbwenye ehinathwaruwa. (1Co 5:6, 11) Nnere wooniha odhivela wehu mwaha okavihera, Yehova amusinyusa muthu. Otxosiwa winowapiha mbani anaamudhi ni komisawu yowoga muladdu. Ki mwahaya bwaddi yeriwaga otxosiwa odhivela?

Enanithukulela okavihera muthu atxosiwa, fudhivela ndina na Yehova ni malagano aye oweela. (1Pe 1:14-16) Teto iyo nnomudhivela muthu ole atxosiwe. Mwebaribarene osinyusiwa, winopiha mbani, mbwenye winowima murenddele wapama. (He 12:5, 6, 11) Wandana ni muthu ootxosiwa obe itxosile enooligana nuhivaha thima osinyusa wa Yehova. Nnohowela onona wihina Yehova anaasiyusa adharaaye ‘mopimelela’. (Je 30:11) Mmudhihu asinyusiwa ni Yehova nikavihere ni kanikwerebeye epaddi yomuzimuni, kaniyelele ejhehedho yowihina muthu ole anere ohogolowela mmadani mwa Babi ehu a thagaraga dhatedhene.— Is 1:16-18; 55:7.

OSUGWE VIDIYU OKALE OOROROMELEYA NI MURIMAWO WAATENE, WAMALA WAWAKULE MAKOHO ALA:

• 

  Mwaana ahiya omulabela Yehova murima waababi onakala avi?

• 

  Mulogo onere ddi wihina ekavihere emudhi mwaniwa atxosiwe? 

• 

  Thalako baani ya mBibliyani enoniha wihina enohoweleya okala oororomeleya wa Yehova opitha emudhi yehu?

• 

  Nnonihe addi wihina ororomeleya wehu wa Yehova onoopitha weemudhi yehu?