WILIBIHERE MMABASANI OOLALEYA | MAKALELO OOFWANYA OHAGALALA MMALALEYELO
Olabihedhe faramenta dhehu dhosayelana
Yehova anonivaha faramenta dhohiyana-hiyana wihina nikale anamahudhiha apama. Iyo nihikanna vidiyu, mafolyetu, marevista, maburuxura, malivuru ni Bibliya. (2Ti 3:16) Yehova ohunivaha faramenta dhosayelana dhinanikavihera wahudhiha athu amodha. Motajhiha, nihikanna Watchtower Library, apilikativo JW Library®, Biblioteca on-line da torre de vigia™, ni Guia de Pesquisa para Testemunhas de Jeová.
Onerege oothabwa ohagalala walabihedha faramenta ndha wihina waajhe dhoviteya dhomuzimuni. Teto kuddiwale wahudhiha anamahudhera awo olabihedha faramenta ndha. Vano namahudhera awo akanna makoho, oliyeene anere oveda dhowakuladha.
OSUGWE VIDIYU OKANNE OHAGALALA MWAHA WAHUDHIHA ATHU WI EKALE ANAMAHUDHERA — ORUMEDHE NIKAVIHERO NA YEHOVA — OLABIHEDHE FARAMENTA DHEHU DHOSAYELANA, WAMALA WAWAKULE MAKOHO ALA:
Jadi ubuwela ddi wodhela dhopaddusiwa?
Rita asayele nimakalelo baani muselu ola?
Ofwanya ni waatuvura athu amodha dhoviteya dhomuzimuni, winohagalasa
Rita asakule addi muselu waamukavihere Jadi?
Rita aari avi nulabihedha faramenta dhosayelana?