Arogola enaawenjhedhedhe addi mabasiwa oomulabela Yehova?

Arogola ehikanna mutholo wathima mmabasani wa Yehova. (Sal 68:11) Aliwa ehikanna anamahudhera owinjhiva, teto arogola owinjhiva apiyonera a mudhidhi wamutene. Ohiya yeyove, arogola owinjhiva enalaba obeteli, mabasa oomisiyonariyu, mabasa omaga nyumba dhomwene ni mabasa ootapulela. Arogola owithwelavo omuzimuni, enolibiha murala wewa ni mulogo. (Pr 14:1) Naari arogola ehilabaga ninga anamaholela mulogo obe ninga adhaari ookavihera, aliwa podi okanna dholuba dhomuzimuni. Akala ori murogola, onaawenjhedhedhe addi mabasa awo oomulabela Yehova?

• Wenjhedhedhe dhikalelo dhawo dhomuzimuni. ​—1Ti 3:11; 1Pe 3:3-6

• Wakavihere arogola amodha withwelavo omuzimuni. ​—Tit 2:3-5

• Wawenjhedhedhe makalelo awo oohudhiha ni mudhidhi wolaleya

• Ohudhere ewogelo exa

• Okavihere mburo winahoweleya anamalaleya

• Olebe petisawu wihina walabe oBeteli, obe wamagege nyumba dhomwene

• Olebe petisawu ya Eskola yanamalaleya oOmwene

OSUGWE VIDIYU “AHIYANA ENAAPARA MABASA A NABWIYA NUUVIHEYA,” YAMALA, WAAKULE NIKOHO NNA:

• Dhopadduwa dha arogola ala dhinuulibiha addi?