MWEDDELO WEHU WEKIRISTAWU
We onowubuwela ninga Yehova?
Iyo nnafuna nimuhagalase Yehova ni dhowera dhehu dhatedhene. (Pr 27:11) Bumwahaya nnohowela werana dhothoma dhinoniha wihina nihikanna monelo wa Yehova naarive wihili malagano obe nlamulo wodhela museluya. Enaanikavihere ddi?
Omuhudherege Bibiliya malabo aamatene. Naamuhudheraga Bibiliya, enakala ninga nnathapanya ni Yehova. Makalelo ohudhera wodhela mubuwelo wa Yehova fuudhela ohudhera makalelo Yehova eddihiliye nlogo naaye. Ethu emodha fuudhela ohudhera dhotajhiha dhaathu yerilena dhithu dhabure ni dhapama vamentoni va Yehova. Ni makalelo yaala, nafunaga werana yothoma, muzimu wotxena winere onikavihera ohidduwala dhithu nihudherihu mBibiliyani — Jo 14:26.
Osayelege. We wafunaga werana yothoma, podi wikohege: “Yopadduwa baani ya mBibiliyani enaagikavihere wonelamo monelo wa Yehova wodhela muselu ola?’ Olobele wa Yehova wamala olabihedhe dhipano dhosayelana dhinafwanyeya ni ewogelo yawo wihina wande waparihedha mabasa malagano enafwanyeya mBibiliyani enukavihere werana dhothoma dhapama. — Sal 25:4.
OSUGWE VIDIYU ‘NTHAMAGE NI OVILELA’ — OJHEGE YOJHA ENAVAHA KOPOLO, WAMALA WAWAKULE MAKOHO ALA:
Dhoweha baani dhanfwanya namwali anvidiyuni?
Nimakalelo baani dhipano dhosayelana dhinukaviheriwa wafwanyiwa dhoweha yooligana?
Mwahaya bwaddi ekala yapama waaja mudhidhi wihina osayela ni werana ohudhera wa vayaka wihina wande werana yothoma yapama? — He 5:13, 14