Podi wawenjhedhedha mabasaawo mudhidhi Wowubuwela okwa wa Yesu?

Yaka dhatedhene Anamoona a Yehova enojheha nuuthaba Wubuwela okwa wa Yesu. Sumana vang’ono nahinafiye labo nowubuwela okwa wa Yesu ni navira, mudhidhi wavayekiwa wihina nimuthithimihe ni nimutamalele Yehova mwaha nvaho anivahiliye, yowobola. Bumwahaya nnofuna werana dhatedhene wafiya mudhidhi yoyo. (Ef 1:3, 7) Motajhiha, iyo podi wilibihedha wihina nawithane athu owinjhiva wi yoone Wubuwela okwa wa Yesu. Amodha enowiwomihedha wihina elabe ninga mapiyonero ookavihera wi evahe mawora 30 obe 50 mweri wa Março ni Abril. Onoofuna wenjhedhedha mabasaawo oolaleya mudhidhi woWubuwela okwa wa Yesu? Enukavihere ddi werana?

Malabo owinjhiva nnowanda wakwanihedha ethu niwegeredha pama. (Pr 21:5) Woona wihina mudhidhi wowubuwela okwa wa Yesu onna waddamela, obajhe wiwegeredha ovanene. Wubuwele makalelo onafuniwe wawe- njhedhedha mabasa oolaleya sumana dhinaharela ni othome yowerana wihina wakwanihedhe yoluba yawo. Ni olobe wihina Yehova areelihe wilibihedha wawo. — 1Jo 5:14, 15.

Onenjhedhedhe nimakalelo baani mabasaawo mudhidhi woWubuwela okwa wa Yesu?