Oh Nénhshiere ne Ahonatshennonníhake ne Sahwá꞉tsire?

Kanoronhkhwáhtshera tkaiaʼtakweʼní꞉io ne ronatonhnháhere ne kahwá꞉tsire. Ephesians 5:33

Shonkwaiaʼtíson raoianerénhsera ne kaniá꞉kon tsi nateʼhiátere shaiá꞉taʼk rón꞉kwe tánon tseiá꞉taʼk iakón꞉kwe.

Rón꞉kwe shakonorónhkhwa ne ró꞉ne teshakorʼhó꞉tonʼs tánon shakoʼnikonhraién꞉tas.

Kí꞉ken ne iakoniá꞉kon teiotonhontsó꞉hon ne tahniié꞉na ró꞉ne.

Teiotonhontsó꞉hon ne ratiksaʼokón꞉ʼa ashakotiwennaráhkwake ne kaʼníhsera tánon kaʼnisténhsera.

Satonʼwé꞉sentʼs tánon sarihwatokénhak ónhka seniniá꞉kon, tóhsa tsi ní꞉ne iáh tehonanitenrá꞉tskon tánon iáh tehorihwató꞉ken. Colossians 3:5, 8-10

Shonkwaiaʼtíson Raowén꞉na wá꞉ton ne rón꞉kwe tho nahshakonerónhkhwake ró꞉ne tsi nihatatenorónhkhwa. Tánon ne akaónha ahonwarihwakwénienhste ne ró꞉ne.

Iáh tetkaié꞉ri aientenahkwaié꞉saʼte tánon tóhka naiakonahkwaién꞉take.

Jehovah Raowén꞉na iakorihonnién꞉nis kahwatsireʼshón꞉ʼa tsi ní tsi ahonatonhnhárake.