Oh Náhshiere ne Atshenaʼtón꞉hahse Jehovah tsi Sariʼwahní꞉ron tsi Raiaʼtákta Í꞉sete?

Shonkwaiaʼtíson raiaʼtákta nonkwá꞉ti iaʼtéstaʼn. 1 Peter 5:6-9

Tóhsa sheiatiaʼtáhrhas tsi nikaianerenhserò꞉ten ratíhtshehre ne iáh tekáhsere ne Kahiatonhseratokénhti. Ó꞉nenʼk tsi ashateʼnikonhraní꞉rate tho náhshiere.

Tóhsa tho sató꞉rok ne tehonitionʼkwakón꞉nies ne onhontsà꞉ke; iáh thaʼtehonhwarihwaʼsnié꞉se Jehovah tánon Raokoráhsera.

Ne será꞉ko ne ioterihwakwaríhshion​—etshatahónhsatat Shonkwaiaʼtíson. Matthew 7:24, 25

Sheiatiaʼtáhrhas ne Jehovah’s Witnesses, eniesaié꞉nawaʼse kwah tokén꞉ʼen aietsatén꞉roʼne Shonkwaiaʼtíson.

Iaʼsatashón꞉teren satéweienhst ne Shonkwaiaʼtíson raorihwà꞉ke tánon sateʼnién꞉ten á꞉tshehre ne raoianerénhsera.

Nó꞉nen nahò꞉ten tashéhtahkwe enkaʼshátstenʼne, teiotonhontsó꞉hon aontá꞉tson satonhnhétsera ne Jehovah tánon satenehkwà꞉ehst.​—Matthew 28:19.

Etshatahónhsatat ne Shonkwaiaʼtíson. Sewennahnó꞉ton Kahiatonhseratokénhti, tánon sheriʼwanóntonhs Jehovah’s Witnesses aiesaié꞉nawaʼse aiesaʼnikonhraién꞉taʼne nahò꞉ten wá꞉ton. Sok, tho ná꞉tsehr nahò꞉ten enhsarihónnien. Tókaʼ tho nénhshiere, tiótkon enhshónhnheke.​—Psalm 37:29.