Bʼikiʼ a tukul tupach a Bʼibʼle?

KʼUʼ U YADʼAJ A BʼIBʼLE

«Tulacal a cʼuʼ a tzʼiibaʼan ichil u juʼum a Dioso, laj etel Dios talaʼan.» —2 Timoteo 3:16, Leʼec Adaʼ u Tʼan a Dios a Tumulbene Tzʼiibaʼan a Tʼan Adaʼ ich Maya Mopan.

KʼUʼ U NUKUL ABʼEʼE TI TECH

U jajil u nuukbʼeebʼ a kʼaatchiʼ a top kʼabʼeete.—Proverbios 2:1-5.

Nojʼoolaʼan kaʼ u chʼaʼ a bʼejnil a sansamal.—Salmo 119:105.

Chukul kiʼ u yoolil a kʼin a wataktoj.—Romanos 15:4.

JEDʼEʼEK WA TI TZʼOKSIK A WALAK U YADʼIK A BʼIBʼLE?

Jajaaʼ, yan oxpʼeel kʼuʼkaʼa:

• Kiʼ ti walak u kʼämik u bʼajil. A Bʼibʼle manal 1,600 jaabʼ u chʼaʼa ti tzʼiibʼaʼani u menooʼ junjunpaay ti winik, u mukʼ 40 tuul. U masili maʼ u yeeltajooʼ u bʼajil. Pero, a juntziil ti juʼum kiʼ kaʼ u laj kʼämaj u bʼajil, laj yan u ketil kʼuʼ u tzʼiibʼtajooʼ!

• Uchbʼen pektzil laj jaj. Aj tzʼiibʼooʼ uchbʼen a maʼ u moso Dʼios, walakooʼ u mukik tubʼaj walakooʼ u choʼbʼol. U jelaʼanili, ajtzʼiibʼ Bʼibʼle u tzʼiibʼtajooʼ u pektzil tubʼaj u käxtajooʼ u sipʼil y tubʼaj choʼbʼooʼ u kaal.—2 Cronicas 36:15, 16; Salmo 51:1-4.

• Walak u jajtal a tzʼiibʼaʼana. A Bʼibʼle u yadʼaj u pektzil ti jobʼsajbʼäl u kaʼa a noxiʼ kaj Babilonia, 200 jaabʼ antes ti kʼaxi. (Isaias 13:17-22) Maʼ jadʼi u yadʼaj bʼikiʼ ti bʼel u kaʼa ti kʼaxäl, u yadʼajlik u kʼabʼaʼ a winik mak bʼel u kaʼa u choʼ!—Isaias 45:1-3.

  Yaabʼ kʼuʼ a tzʼiibʼaʼan uchbʼen ich Bʼibʼle laj jajaji, ʼaasto ichil a meen bʼaʼal a yan. Pero, maʼ wa leʼek abʼeʼe ti kʼatiʼ ti wila ichil u Tʼan a Dʼioso?—Lucas 1:20, New World Translation.