Mak chukul tan u kontrolartik a yokʼolkabʼa?

KʼUʼ U YADʼAJ A BʼIBʼLE

«Laj queʼenooʼ tu cʼü a quisini.» —1 Juan 5:19.

«Udi u Mejen a Dios yocʼolcab uchi . . . tiʼi u wetʼical u meyaj a quisini.» —1 Juan 3:8, Leʼec Adaʼ u Tʼan a Dios a Tumulbene Tzʼiibaʼan a Tʼan Adaʼ ich Maya Mopan.

KʼUʼ U NUKUL ABʼEʼE TI TECH

Mentäkä jedʼeʼek a chʼajtojtik kʼuʼkaʼa yan u probʼlema a yokʼolkabʼa.—Apocalipsis 12:12.

Yan kʼuʼkaʼa kaʼ ti tzʼokes ti bʼel u kaʼa ti kiʼtal a yokʼolkabʼ.—1 Juan 2:17.

JEDʼEʼEK WA TI TZʼOKSIK A WALAK U YADʼIK A BʼIBʼLE?

Jajaaʼ, yan oxpʼeel kʼuʼkaʼa:

• Tulakal u meyaj a Kisini bʼel u kaʼa ti jobʼol. Jehovah bʼel u kaʼa u jobʼes u meyaj a Kisin yokʼlalooʼ a kristiyaano. U promesartaj ti bʼel u kaʼa «u jobes . . . leʼec a quisini» y bʼel u kaʼa u yutzkintej tulakal u choʼa a Kisini.—Hebreos 2:14.

• Dʼios u yeeta a Jesusu kaʼ u gobʼiernarte a yokʼolkabʼa. U chʼabʼej a Jesusu maʼ jabʼix a tiʼi a Kisin a kʼas y tzʼuʼuti. Dʼios u promesartaj etel u chʼabʼej a Jesusu: «Bʼel u kaʼa u chʼaʼ u yotzilil a walakooʼ u yemsik u bʼajili y a otzili . . . Bʼel u kaʼa u saʼaltooʼ tuwich maltratarbʼäl y kʼasil.»—Salmo 72:13, 14, New World Translation.

• Maʼ jedʼeʼek u tus a Dʼios. A Bʼibʼle u yadʼaj: «Maʼ yan biqui caʼ jocʼoc u tʼan a Dios ti tusil.» (Hebreos 6:18) Leʼek ti walak u promesartik a bʼaʼal a Dʼioso, jabʼix ak yanaji! (Isaias 55:10, 11) Bʼel u kaʼa «Jocʼsabül a quisin a walak u tücaaʼ ichil a yocʼolcab.»—Juan 12:31.