Maki a Dʼioso?

Yaabʼ mak walak u tzʼeekooʼ u yanil ulaakʼooʼ a dʼioso. Pero, u yadʼaj a Bʼibʼle ti yan a jajil Dʼios a «mas nooch u yanil tuwich ulaakʼooʼ a dʼioso.» (2 Cronicas 2:5) Mak Dʼiosil abʼeeʼ a mas nooch u yanil tuwich ulaakʼooʼ a dʼioso? Kʼuʼkaʼa mas nooch u yanil? Ichil a kambʼal adʼaʼa bʼel a kaʼ a weelte maki a Dʼios abʼeʼe.

1. Mak u kʼabʼaʼ a Dʼioso, y kʼuʼ tan u yeʼik ti u kʼati kaʼ ti weelte?

Ichil a Bʼibʼle, a jajil Dʼioso, u tzʼaj kaʼ ti weelte maki. U yadʼaj: «Innen a Jehovah. Leʼek abʼeʼ in kʼabʼaʼ.» (Xoko a Isaias 42:5, 8.) U nuʼkul a kʼabʼaʼ «Jehovah,» «Leʼek Walak u Tzʼeek ti Uchul.» A Dʼioso u kʼati kaʼ ti weelte u kʼabʼaʼ. (Exodo 3:15) Manal 7,000 suta yan ich Bʼibʼle! Chen tiʼi «a jajil Dʼios a keʼen ti kaʼan y tuwich a yokʼolkabʼ» a kʼabʼaʼ Jehovah.—Deuteronomio 4:39.

2. Kʼuʼ a tan u yadʼik a Bʼibʼle tupektzil a Jehovah?

Yaabʼ a dʼios walak u tzʼabʼäl u yanil umenooʼ kristiyaano, pero a Bʼibʼle u yadʼaj ti Jehovah a jajil Dʼioso. Yaabʼ kʼuʼkaʼa jedʼeʼek ti tzʼokʼsik ti jaj abʼeeʼ. Leʼek «a mas nooch [u] yanil tuwich tulakal a yokʼolkabʼa.» (Xoko a Salmo 83:18.) Leʼek «a top yaab u mucʼu» jedʼeʼek u bʼetik leʼek a kʼuʼ u kʼati. Leʼek u «betaj tulacal a cʼuʼ a yana,»—tulakal a kʼuʼ a yan ti kaʼan y yokʼolkabʼ. (Revelacion 4:8, 11) A Jehovah maʼ yan u kajeebʼ y maʼ yan u jobʼeeb.—Salmo 90:2.

3. Yaabʼ u chʼibʼal a Dʼioso, pere jumpʼelik u kʼabʼaʼ

Tiʼi kaʼ a wileʼex kʼuʼ u jumpaayil u chʼibʼal a mak etel u chukul kʼabʼaʼ chaʼanteʼex a VIDʼEO, kaʼtun tzikbʼalteʼex a kʼaatchiʼi.

VIDʼEO: Yaabʼ u Chʼibʼal Yan, Pero Junpʼelik u Kʼabʼaʼ (0:41)

• Kʼuʼ u jumpaayil a chen chʼibʼal a jabʼix «Noochtzil», tuwich a chukul kʼabʼaʼ?

A Bʼibʼle u yadʼaj ti leʼekooʼ a kristiyaano yaabʼ a dʼios walakooʼ u tzʼeek u yanil. Xokeʼex a Salmo 136:1-3, kaʼtun tzikbʼalteʼex a kʼaatchiʼ adʼaʼa:

• Maki «u Dʼiosil tulakal a dʼioso» y «u Noochil a noochooʼ u wichil»?

4. A Jehovah u kʼati kaʼ a weelte y kaʼ a usaarte u kʼabʼaʼ

VIDʼEO: Yan Wa U Kʼabʼaʼ a Dʼioso?—Neneʼ Parte (3:11)

• U kʼati wa kaʼ eeltabʼäk u kʼabʼaʼ a Jehovah tatukliki? Kʼuʼkaʼa?

A Jehovah u kʼati kaʼ usaarbʼäk u kʼabʼaʼ umenooʼ kristiyaano. Xokeʼex a Romanos 10:13, kaʼtun tzikbʼalteʼex a kʼaatchiʼooʼ adʼaʼa:

• Bʼoon u kʼabʼeetil kaʼ a usaarte u kʼabʼaʼ a Dʼios Jehovah?

• Bʼiki a wool ti walak u kʼajsabʼäl a kʼabʼaʼ y ti walak u usaarbʼäl?

• Bʼiki u yool a Jehovah tatuklik ti tan a usaartik u kʼabʼaʼ?

5. A Jehovah u kʼati kaʼ mas naʼtzʼakech tutzeel

VIDʼEO: Tan in Käxtik Maki a Jajil Dʼioso (8:18)

• Ichil a vidʼeo ti chaʼanta, kʼuʼ u kiʼil tiʼi ix Soten kaʼ u yeeltaj u chukul kʼabʼaʼ a Dʼioso?

ʼAantes a ʼamiingojtik a yan maka, primero bʼel a kaʼ a kʼaate mak u kʼabʼaʼ. Xokeʼex a primero parte tiʼi a Santiago 4:8, kaʼtun tzikbʼalteʼex a kʼaatchiʼooʼ adʼaʼa:

• Kʼuʼ a tan u yadʼik tech a Jehovah kaʼ a bʼeteʼ?

• Tanil a weeltik y a usaartik u kʼabʼaʼ a Dʼioso bʼiki ti mas bʼel u kaʼa u naʼtzʼkunteech tutzeel?

KʼUʼ A KÄNAJA

U kʼabʼaʼ a jajil Dʼioso, Jehovah. U kʼati kaʼ ti weelte y kaʼ ti usaarte u kʼabʼaʼ tiʼi kaʼ naʼtzʼakoʼon tutzeel.

Tzikbʼalbʼäl kʼuʼ ti känaja

• Kʼuʼ u jumpaayil a Jehovah tuwich tulakal a dʼios a walakooʼ u tzʼabʼäl u yanil umen kristiyaano?

• Kʼuʼkaʼa kaʼ ti usaarte u kʼabʼaʼ a Dʼioso?

• Kʼuʼ tan u yeʼik ti u kʼati Jehovah kaʼ naʼtzʼakech tutzeel?

MAS ILATOJ

Tzʼaj ti kuenta cinco pʼeel a puunto tan u yeʼik ti yan a Dʼioso.

«Yan wa a Dʼioso?» (Web article)

Ila kʼuʼkaʼa jedʼeʼek ti tzʼokʼsik ti ak uchi yan a Dʼioso.

«Mak u bʼetaj a Dʼioso?» (The Watchtower, August 1, 2014)

Kambʼalte kʼuʼkaʼa kaʼ ti usaarte u kʼabʼaʼ a Dʼiosʼ, kaʼax bʼoon maʼ top ti weel u peek bʼiki ti primero adʼabʼaani.

«Maki a Jehovah?» (Web article)

Kʼabʼeet wa kaʼ ti weelte bʼiki kaʼ ti wadʼäʼ u kʼabʼaʼ a Dʼioso? Ila kʼuʼkaʼa jedʼeʼek ti wadʼik ti junpʼelik u chukul kʼabʼaʼ a Dʼioso.

«Bʼoon a kʼabʼaʼ a yan tiʼi a Dʼioso?» (Web article)